devrim_denemesi_sergisi_1

13.07.2017, tarafından yazılı , CÜMNE, MOLDOVADA TİKA PROEKTLARI BÖLÜMÜ, 513 KERÄ BAKILMIŞ

“15 Temmuz – Milli İradenin Zaferi” sergisi Komratta açıldı

Orak ayın (iyül) 13-dä Gagauziyanın Regional resim Galereyasında açıldı bir patret sergisi – “15 Temmuz – Milli İradenin Zaferi” (“Orak ayn 15-şi – Milli İstediinin Enseyişi” – türkçedän gagauzçaya “AS” çevirmesi), angısı annadêr 2016-cı yılın Orak ayn 15-dä Türkiyedä olan devlet devrimi denemisinä türk halkın karşı koymasını. Bu sergiyi hazırladı TİKA Moldova ofisi.

devrim_denemesi_sergisi_2

“15 Temmuz – Milli İradenin Zaferi” serginin ofiţial açılışını yaptılar TİKA Moldova Programaların Koordinatoru Canan ALPASLAN hem Türkiye Kişinev Büükelçisi Hulusi KILIÇ. Serginin açılışında taa nasaat ettilär Gagauziya Başkanı İrina VLAH hem Türkiye Respublikasının Parlamentının “Türkiye-Moldova” paarlament grupasının başkanı Mehmet ALTAY.
devrim_denemesi_sergisi_3

Bundan kaarä serginin ofiţial açılışına geldilär Gagauziya Halk Topluşu Başı Vladimir KISSA, GHT deputatları, gagauziya İspolkom azaları hem Türkiye Respublikasının Parlamentının “Türkiye-Moldova” paarlament grupasının delegaţiyasının azaları.

Açılış nasaatlarından sora, sergiyä gelän insannarına gösterildi bir film, anni annadêr o bir yıl geeri olan tragediyalı olaylar için. Hep o olaylar için annadêrlar patretlär da, ani “15 Temmuz – Milli İradenin Zaferi” sergisindä sergilendi.

Sergi işleyecek Orak ayn 17-dän.

BİR CUVAP YAZIN