birlik_Merkezi

16.03.2020, tarafından yazılı , CÜMNE BÖLÜMÜ, 245 KERÄ BAKILMIŞ

23 hasta. Ölü taa yok. İlaçlanmış da yok.

Baba Marta ayın 15-dä Moldovanın içişleri ministerliindä olan “Koronavirus (KOVID-19) beterenä peydalanan krizisı el altına almak birleşik emir Merkezi”n olan toplantısında Moldovanın saalıı, işi hem cümneyi koruma ministrusu Viorika DUMBRAVÄNU açıkladı, ani Moldovada koronaviruslan eni ulaşan 11 kişi var.

Bu 11 kişidän, 3-cü – yabancılıktan gelennär, 8-zi da – erindä ulaşannar. Ulaşannar hepsicii kendi yakınnarından ulaşmış. 11 kişinin arasında var bir da uşak, ani ulaşmış kendi anasından. Bu insan da İtaliyada hastalanmış.

Bölecä Moldovada KOVID-19-lan hastalanan insannarın sayısı 23 oldu.

Hep burada Moldova Prezidentı İgor DODON koronaviruslan ilgili bir açıklama yaptı. Onun sözlerinä görä bu hem gelecek afta en kritik aftalardır. Onun için, Baba Marta ayın 17-dän Moldovada var nicä Üstolan durum ortaya koyulsun.

BİR CUVAP YAZIN