İrmi yıl geeri, 1990-cı yılın Orak ayın (iyül) 22-dä Gagauz Halkın Üstolan Kongresi 411 oylan (Kongrestä okadar delegat vardı) Gagauz Milli Gimnasını hem Milli Bayraa kabletti.
Gagauz Milli Bayraan proektını resimci Pötr VLAH teklif etti.
Gagauz Milli Gimnasını yazdılar kompozitor Mihail KOLSA hem poet Todur ZANET.
GAGAUZ MİLLİ GİMNASI
Geldi vakıt – bayraa kaldır,
Dalgalatsın lüzgär onu.
Kavalları keskin çaldır,
Duuêr Halkın aydın günü!
Refren:
İnsana lääzım Vatan,
Halkına kalsın damar,
Kanında dedä sesi
Uzaktan evä çeksin.
Bucak’ta dannar açık –
Şannı olsun kardaşlık*.
Zaman kanatları döner
Kıyıp kara bulutları.
Yaşamaya kuvet verer
Ana topraan çöşmeleri.
Refren:
İnsana lääzım Vatan,
Halkına kalsın damar,
Kanında dedä sesi
Uzaktan evä çeksin.
Bucak’ta dannar açık –
Şannı olsun kardaşlık.
* Gimnanın birinci variantında Refren bola bitärdi:
Bucak’ta açık dannar –
Kalkındı gagauzlar.
Ama zalda vardı başka milletli insannar da, ani Gagauz Respublikasını kurmak için delegat ayırılmıştılar, onuştan internaţionalizma sebepinnän bu iki sıra kabledilmedi.