bibliotekalar_aftasi

11.04.2018, tarafından yazılı , CÜMNE BÖLÜMÜ, 78 KERÄ BAKILMIŞ

54-cü bibliotekalar aftasında bibliotekacılar uşakları düşündülär

2018-ci yılın Baba Marta ayın 26-dan Çiçek ayın 1-dän “Eni boylar uşaklar – eni boylar bibliotekalar” temasına görä Ankaranın Türkiye Milli bibliotekasında  geçti “54. Bibliotekalar aftası” toplantısı, angısında pay aldılar bibliotekacılar Türk hem Musulman dünneyindän.

Onnarın arasında vardılar devlet bibliotekaların öndercileri Başkurdistan (Rusiya Federaţiyası), Bosniya hem Gerţogovina, Kırgızistan, Kosova, Katar hem başka memleketlerdän.

Toplantının ofiţial açılışında pay aldı Türkiye Kultura hem Turizma Ministrusu Numan KURTULMUŞ.

Gagauziyayı burada temsil etti Gagauziya kultura hem turizma Upravleniyanın bibliotekalar bölümünün başı Evgeniya Georgievna LÜLENOVA. Canabisi toplantıda annattı Gagauziyada bibliotekaların çalışmaları için hem baaşladı Türkiyenin Milli bibliotekasına kimi gagauz avtorların kiyatlarını.

Toplantıda bibliotekacılar kendi beceriklerinnän paylaştılar hem tanışıtılar başka bibliotekaların çalışmalarınnan.

“54. Bibliotekalar aftası”nda pay alannara baaşlandı kiyatlar, angıları annadêrlar Tükiyenin kasabalarını.

BİR CUVAP YAZIN