Bıldır, Canavar ayın (oktäbri) 15-dä Gagauziya Halk Topluşu (GHT) kendisinin XXX-cu toplantısında, inceleyeräk GHT deputatların Elena KARAMİTın hem Ekaterina JEKOVAnın Zakon teklifini “Gagauziyada 1946-1947 yıllarda aaçlık kurbannarını Anmak Günü” Canavar ayın (oktäbri) 19-da olsun deyni, Karar aldı Gagauziyada bu gündä “Aaçlık kurbannarını Anmak Günü” bakılsın.
Bu kararı esaba alarak, Gagauziyanın üüredicilik Upravleniyası açıkladı, ani 2020-ci yılın Canavar ayın (oktäbri) 12-19 günneri Gagauziyanın üüredicik kuruluşlarında Aaçlık kurbannarını Anmak Gününä adanmış anmak aftası kurulêr.
Bu üzerä gimnaziyaların hem lițeylerin 5-12 klaslarında yapılacek aaçlık tematikasına saatlar hem klastan dışarı sıralar.
