avdarma_aaclik (1)

31.10.2019, tarafından yazılı , CÜMNE BÖLÜMÜ, 358 KERÄ BAKILMIŞ

“Aaçlık kurbannarını Anmak Günü”ndä Avdarmada çasovnä açtılar

Bu yıl, Canavar ayın (oktäbri) 19-da Gagauziyada “Aaçlık kurbannarını Anmak Günü”n seftä ofițial bakmasında, Avdarmada açtılar bir Çasovnä bu küüdä 1941-1945 yıllarında tiftan ölän 575 kişiyi hem 1946-1947 yılında aaçlıktan ölän 583 kişiyi anmaa deyni. Çasovnä düzüldü Avdarma küüyün mețenatlarının parasınnan.

Bu önemni gündä kabaatsız ölenneri anmaa deyni, küüyün popazının Ay-Boba Konstantinın teklifinä görä, Avdarmanın mezarlıına beşüzdän zeedä insan geldi.

Çasovnänin ayozlanmasını hem raametli olannarı anmak slujbasını yaptılar arhimandrit Andrey (“Marfa hem Mariya” manastırın bakımcısı), Kiriyet küüyün popazı Ay-Boba Nikolay hem Ay-Boba Konstantinın.

Çasovnänın açılmasında söz tuttular küüyün insannarı. Götüdü sırayı Avdarma küüyündän Halk Topluşun deputatı Elena KARAMİT.

Çasovnänın merkez taşında yazılı:

“Bu çasovnä ayozlandı Panaiyanın “Mayıllık” ikonasının hatırına hem kuruldu büük zeetlär içindä ölän avdarmalıların anmasına:
– 1941-1945 yıllarında tiftan ölän 575 kişiyä;
– 1946-1947 yılında aaçlıktan ölän 583 kişiyä.
(Onnar çoyu bu erdä topluca gömülü).
Hepsinin adları “ACI KÖŞESİ” memorial kompleksında granit taşlarında oymaylan yazılı.
ALLAA HEPSİNİ RAAMET ETSİN…
19.10.2019”

Slujba hem Çasovnänın açılmak sırası bittiynän hepsi insannara bir pomana masası kuruldu.

Fotolar: avdarma1563.md
avdarma_aaclik (6)
avdarma_aaclik (2)
avdarma_aaclik (4)

Anaktar sözlär : , ,

BİR CUVAP YAZIN