arnaut_kizkardaslari

24.03.2017, tarafından yazılı , AAÇLIK, CÜMNE, İSTORİYA, KİŞİLÄR BÖLÜMÜ, 473 KERÄ BAKILMIŞ

Aaçlık GENOŢİDI: Aaçlıkta odun kıyırdık, da ondan pazlama yapırdık

ARNAUT kızkardaşları: (soldan) Ekaterina Georgiyevna FİLİPOVA (pasportunda boba adını yannış yazmışlar), 1924-cü yılın duuması, Elena Petrovna KİRİLOVA, 1932-ci yılın duuması, Domnika Petrovna ROTAR, 1920-ci yılın duuması. Ayledä 8 kız hem 1 çocuk varmışlar. Aaçlık için ölä dedilär:

Aaçlıı zor geçirdik. Zor. Büük kahır geçirdik. Yoktu ne imää. İmärdik kaşık dolusu. Açan ikincilää geldi rus, mestnıylar postavka koydular. Ruslar bilmärdilär kim zengin, kim fıkaara. Topladılar hepsini, taliga dolusu. Gezärdilär, aarardılar, ne da bulurdular evdä, onu da alardılar.

Vardı bir küp peenirimiz. Aldılar o küpü da.

Eni ekin yok, eskiyi da aldılar. Da kaldık aaç. Da ne idik: makuka da idik, ardal tezää, kirdä otu, kepek. Odun kıyırdık, da ondan pazlama yapırdık. Çarıklıktan paça yaptık.

Sora da, kim diri kaldı hem taa zengincäydi, onnarı kaldırdılar oyanı. Evlerindä da şkola, sadik yaptılar. Bizdän da hepsini kolhoza aldılar: puluk, borna, beygir, taliga. Bişey kalmadı.

BİR CUVAP YAZIN