ABD_yardimi (2)

24.07.2020, tarafından yazılı , CÜMNE BÖLÜMÜ, 64 KERÄ BAKILMIŞ

ABDdan Gagauziyaya medițina yardımı

Orak ayın (iyül) 23-dä Amerika Birleşik Devletlerin (ABD) tarafından Gagauziyaya bir takım medițina oborudovaniyası hem koronavirustan korunmak malları yardımı verildi: kislorod konțentratorları, bakteriyaları öldürän lampalar, hirurgiya maskaları, koruyucu tulumnar (kombinezonnar), eldivennär, respiratorlar hem başka mallar.

Komrat rayon bolnițasının önündä, yardımı vermä sırasında nasaat ederäk, Moldovada ABD Büükelçisi Derek J. HOGAN (Dereck J. Hogan) dedi: “COVID – bu ortak kuşkulu belamız. Onuştan, COVIDa karşı koymasında hem personalın korunmasında kullanılacek bu yardımı Amerika Birleşik Devletlerin (ABD) halkının hem pravitelstvosunun adından Gagauıziya halkına vermää deyni bana büük bir şan”.

Nasaatından sora Büükelçi Derek J. HOGAN (Dereck J. Hogan) verdi yardımı Komrat rayon bolnițasının zaametçilerinä. Onnar da, şükür ederäk ABDdan bu lääzımnı hem vakıdında verilän yardım için, verdilär Kendisinä “ABD halkına hem pravitelstvosuna Şükür Mektubu”nu.

Yardımı vermä sırasında pay aldılar Gagauziya Başkanı İrina VLAH, Gagauziya Halk Topluşu Başı yardımcısı Aleksandr TARNAVSKİY, Gagauziyanın saalıı koruma Upravleniyasının Başı Svetlana DULEVA hem Komrat rayon bolnițasının zametçileri.
ABD_yardimi (1)
ABD_yardimi (3)

BİR CUVAP YAZIN