kel_natalya_

05.11.2020, tarafından yazılı , CÜMNE, KULTURA, KULTURA ÖMÜRÜ BÖLÜMÜ, 624 KERÄ BAKILMIŞ

“ADAMI Media Prize – 2020”nin maasuz ödülü Natalya KELdä

Canavar ayın (oktäbri) 20-dä “ADAMI Media Prize” cümne Birlii açıkladı 2020-ci yılın ödül verilän listesini, neredä kultura türlülüü için “Cultural and Entertainment Blog” ödülü gagauzka blogerkasına Nataliya KELä verildi.

Gagauzka blogerkasını Natalya KELi internet dünnääsı çoktan biler, zerä kendi blogunda hazırlanan hem yayınnanan Canabisinin gagauzların yaşamasınnan ilgili şakalaı videoları şennendirer diil salt İnstagramda ona yazılı olan 39 binä yakın kişiyi, ama internet dünnääsının taa çok çok insannarı da.

“Oskarsız (OSCARS) aktrisa”, nicä kendisinä deer Natalya KEL, becerdi gagauz internet kullanıcılarına sevdirmää o şaka hem şalvir personajları, angılarını kendisi yarattı: Viorika-vlog; Kati bulü, Födor Filipoviç. Bu personajları hepsi tanıyêr, zerä onnar aslı gösterili.

Not. “ADAMI Media Prize kuruldu” 2015-ci yılda Dou işbirlii (Armeniya, Azerbaycan, Belarusiya, Gruziya, Moldova hem Ukrayna) devletlerindä migrațiya, tolerantlık hem kultura türlülüü temalarını audiovizual habercilik uurunda açıklayan hem çalışan kinorejisörlara, jurnalistlerä hem başka zaametçilerä arka olmaa deyni.

https://www.youtube.com/watch?v=6B7hGnUBLK8

 

kel_natalya_3_
kel_natalya_2_

BİR CUVAP YAZIN