Tanışın – Nataliya GAYDARLI Kıpçak küüyün S. Baranovskiy teoretik liţeyin 12 “А” klasından. Peet yazêêr 3 dildä: gagauzça, angliyca, rusça. Büün onun debütü “Ana Sözün”ndä.
***
Alatla yaşamaa gününü,
Etiştir duymaa dadını.
Saklama gözäl üzünü,
Göster o gülüşünü.
Canında ana dilin
Senin duan angı dildä
Peydalanêr ilk canında?
Angı laflarlan fikirin
Duuêr o kafanda senin?
Ana dilin –
O fikirin senin,
Duan,
Senin ekmään, lafın,
Sevdan.
Çok dil bilärsaydın – islää,
Ama sän canını seslä.
Onun yaşêêr derinniindä
Duyguların öz dilinä.
18.03.2019
