bucak_usak (1)

26.07.2021, tarafından yazılı , CÜMNE, MOLDOVADA TİKA PROEKTLARI BÖLÜMÜ, 5135 KERÄ BAKILMIŞ

“Altın anaktarcık” uşak başçasına TİKAdan sevindirici yardım

Gagauziya Bucak küüyün “Altın anaktarcık” uşak başçası kendi kufnesinä deyni Türk İşbirlii hem Koordinaţiya Agenstvosu Başkannıından  (TİKA) sevindirici bir yardım kabletti – epiz eni hem dünnää tehnologiyalarında oborudovaniya. Bu yardım bölä küçük küü için pek büük maanalı bir iş, çünkü küüyün bücetı az hem herbir işlerä o bücetta para pek etişmeer.

Kufnenin ofițial açılışı hem başka baaşışları vermäk için “Altın anaktarcık” uşak başçasına Orak ayın (iyül) 16-da da geldilär hem açılış yortusuna katıldılar TİKA Kişinev programaların Koordinatoru Selda ÖZDENOĞLU, Gagauziya Komrat Başkonsulu Hasan AKDOĞAN, Gagauziyanın GHT Başı Vladimir KISSA, Gagauziyanın Üüredicilik Upravleniyasının Başı Natalya KRİSTEVA, Bucak küüyün primarı Nikolay DUDOGLU, Türkiye Büükelçiliin hem  Komrat Başkonsullun hem TİKA Kişinev ofisin zaametçileri.

Musaafirleri Gagauziya, Moldova hem Türkiye bayraklarınnan karşladılar kırnak hem kıvrak giimni uşak başçasının uşakları, angıları bir kısa konțert ta hazırlamıştılar.

Açılış nasaatlarından sora Bucak küüyün primarı Nikolay DUDOGLU verdi Türkiye Kişinev Büükelçisi Gürol SÖKMENSÜER hem TİKA Kişinev programaların Koordinatoru Selda ÖZDENOĞLU adına hazırlanan primariyanın “Şükür belgelerini”. Nedän sora da Koordinatoru Selda ÖZDENOĞLU, Gagauziya Komrat Başkonsulu Hasan AKDOĞAN, Gagauziyanın GHT Başı Vladimir KISSA hem Bucak küüyün primarı Nikolay DUDOGLU açılış şiridini kestilär.
bucak_usak (3)
bucak_usak (4)
bucak_usak (5)
bucak_usak (6)
bucak_usak (2)

BİR CUVAP YAZIN