Las_Vegas_tragediyasi

04.10.2017, tarafından yazılı , CÜMNE BÖLÜMÜ, 70 KERÄ BAKILMIŞ

Amerikada büük tragediya

Büünkü gündä Amerika yaslı. Canavar ayın (oktäbri 2-dä) Amerikanın Las Vegas kasabasında bir erif avtomattan 59 insanı öldürdü hem 500-dän zeedesini yaraladı. Bu tragediya, bir kişinin tarafından başkasını öldürmäk, Amerikanın eni istoriyasında en büük tragediya.

O günnerdä Amerikanın Las Vegas kasabasında açık havada üç günnük kantri muzıkası (angliyca: country music — küülülerin muzıkası) festivali geçärdi. Festivali siiretmää deyni orêy 40 binä yakın insan toplandı. Ansızdan bir kazino-otelin 32-ci katından insannarın üstünä avtomatlardan başladı ateş etmää 64 yaşındakı bir erif. Bu 9 minutluk kurşun yaaması 59 insanı öldürdü hem 500-dän zeedesini yaraladı.

Las Vegasın insannarı, Amerika, bütün dünnä şok içindä: Nicä bölä bir canavarın eli kalktı bukadar insanı amansız kıymaa?!

Raametlilerin yakınnarına hem yaralılara Amerika Prezidentı Donald TRAMP (Donald Trump) kendi acızgannıını açıkladı.

Tragediyaylan ilgili olaylarlan kendi acızgannıklarını Amerika halkına bildirdilär hem bildirerlär bütün dünnä liderları.

Bu tragediyada raametli olan insannarın topracıkları ilin olsun.

BİR CUVAP YAZIN