transport

18.11.2015, tarafından yazılı , EKONOMİKA BÖLÜMÜ, 1458 KERÄ BAKILMIŞ

Ankarada avtotransportlan ilgili moldo-türk ortak komitetı toplandı

Kasımın 10-11 günneri arası Ankarada toplandı avtotransportlan ilgili moldo-türk ortak komitetı. Moldovadan toplantıda pay aldı Transport hem yol infrastrukturası ministerliin (TYİM) avtotransport Bölümün başı Gheorghe AMBROSİ.

Toplantıda açıklandı iki taraf arasında mallar taşımasının statistikası hem urgulandı, ani iki yılın içindä bunun sayısı aazaldı. Türkiye tarafı urguladı, ani moldovalı taşıycıları bu uurda öndä giderlär.

Karar alındı, ani 2016-cı yıl için da avtorizaţiya sayısı hep o kertiktä kalacek: moldovan tarafı için 500 avtorizaţiya üçüncü deletlerlä hem 525 boş girmäk için. İki taraf ta kayıl oldular onunnan, ani, lääzım olursa, bu kvotaları var nicä zeedeletmää. Türkiye tarafı urguladı, ani bu yılkı üçüncü deletlerlä 500 avtorizaţiyadan 260 taa kullanılmadı.

Ortak komitetın toplantısında Türkiye tarafı açıkladı, ani 2009-cu yılda kuruldu pravitelstvonun dışında olan “International Passenger Road Transport Union” (IPRU) birlii da teklif etti Moldovanın bu uurda birlii bu kuruluşa katılsın, bildirer TYİM pres-slujbası.

Foto – mtid.gov.md.

BİR CUVAP YAZIN