Canavar ay (oktabri) 2004, N 10 (473)
HABERLÄR
|
MOLDOVAYI SARSILADI
|
|
|
|
|
Canavar ayın 27-28 günneri gecesindä saat 23-çü 15 minut hem 10 sekund geçärkana Moldovada er tepremesi oldu. Tepremenin kuvedi - 5,8 ball. Er tepremesi mal zararı getirmedi. Ama insan kayıbı var. Kişinövda 16 yaşında bir çocuun strestän ürää durgunmuş.
Eridir Moldovada olan en kaavi er tepremelerini aklınıza getirelim: 1940 y. - 7,4 ball; 1945 y. - 6,5 ball; 1977 y. - 7,2 ball; 1986 y. - 7,0 ball; 1990 y. - 6,7 ball. |
|
|
|
“ONNAR MOLDOVA İÇİN CENK ETTİLÄR”
|
|
|
|
|
Bölä adlan İkinci Dünnä Cengindä Enseyişin 60-cı yıldönümününä baaşlı olan bir kiyat Kişinövda tipardan çıktı. Kiyadın prezentaţiyası Gagauziyanın baş kasabasında oldu. |
|
|
|
AAÇ ÖLENNERÄ PAMÄTNİK YOK
|
|
|
|
|
1946-1947-ci yılda devlet tarafından zorlan yapılan aaçlaa kurban olan hem 1949-da Sibiriya kaldırılan hem da orada kayıp olan gagauzlara bu günädän diri kalan gagauzlar ne bir nışan taşı, ne da bir pamätnik koymadılar. |
|
|
|
ENİ PAMÄTNİKLÄR
|
|
|
|
|
Moldova öndercilerin kararına görä İkinci Dünnä Cengindä Enseyişin 60-cı yıldönümünü kutlamaa deyni o cengä katılan askerlerä eni pamätniklär yapılacek. Gagauziya da bu iştän arka olacek. |
|
|
|
KÖSELİDÄ ZABASTOVKA
|
|
|
|
|
Canavar ayın ortasında Gagauziyanın Rus Köseli küüyündä liţey üüredicileri zabastovkaya başladılar. Zabastovkanın sebepi - üüredicilär diil kayıl onunnan, ani liţeyin hem uşak başçasının direktorlarını diiştirdilär. |
|
|
|
BÜÜKELÇİ GAGAUZİYADA
|
|
|
|
|
Canavar ayın 19-da Kievda bulunan reidenţiyaylan Azerbaycanın Ukraynada, Moldovada, Biyazrusiyada büükelçisi Talyat ALİEV Gagauziyada bulundu.
Canabisi Gagauziya Başkanı Georgiy TABUNŞÇİKlän, GHT Başı Stepan ESİRlän konuşmakta Gagauziyanın ekonomika, kultura hem soţial soruşlarını inceledilär. |
|
|
|
İHTÄRLAR EVİ İÇİN 58 BİN DOLAR
|
|
|
|
|
Türkiye İşbirlii Kalkınma Agenstvosunun (TİKA) kararına görä Gagauziyanın Valkaneş kasabasında bir ihtärlar evi yapılacek. Bu iş için TİKA aracılıınnan Türkiye Respublikası 58 bin dolarlık bir yardım verer. Bu paraylan yapı, donatım, yısı-dıcı merkezi, buz dolapları televizor hem iç mallar (yataklar, yorgan, yas-tık, döşek, çarşaflar...) alınacek. |
|
|
|
BUNU UNUTMAA DİİL LÄÄZIM
|
|
|
|
|
Ondört yıl geeri, Canavar ayın 25-dä 1990-cı yılda Moldova pravitelstvosunun izininä görä Gagauziyeya karşı yaklaşık 30 bin volontör yollanıldı. Beş günnük karşı-karşıya durmak başarıldı onunnan, ani araya rus barış kuvetleri girdi. Nedän sora volontörlar geeri çekildilär. |
|
|
LİTERATURA
İSTORİYA
HALK YARATMASI (FOLKLOR)
|
ALTIN SÖZLÄR (№10, 2004)
|
|
|
|
|
Almanın içini domuz iyir.
Çok yaşayan çok bilmäs, çok gezän çok bilir.
Kamburu kamburuna geldi.
Fena köpek komşu ekmää imäz.
Körpä aaç iilir, kart aaç iilmäz.
Yapıştı buzaa boku gibi adama.
Beş parmak bir birinä benzämeer da kardaş kardaşlan mı benzeycek?
Yama diildir yırtasın. |
|
|
|
