ARHİV

    2010
    2009
    2008
    2007
    2006
    2005
    2004





2010

2009

2008

2007

2006

2005

2004









"ORHON YAZILARINI YARATAN HALK HEM GAGAUZLAR -
HEP O HALKTIR"

(Valentin MOŞKOV, "Гагаузы Бендерского уезда", 1900 yıl)





Kırım ay (dekabri) 2004, N 12 (475)


HABERLÄR


 “ENİ YIL KUTLAMALARI”  

 
2005-ci yılın Büük ayın (yanvar) 5-dä Gagauziya kultura Bakannıı “Eni Yıl kutlamaları” festivalini yapêr. Festivalä katılannar “Kolada”, “Surva”, “Hêy-hêy” gibi gagauz adetlerini göstersinnär lääzım.
Festivalä katılannara kultura Bakannıın diplomnarı hem çeşitli baaşışlar verilecek.



 HALK USTALARIN KORUNMASI İÇİN  

 
Komrat Devlet Universiteti, Gagauziyanın alış-veriş Palatası hem Gagauziyanın predprinematelstvo Merkezi Gagauziyada eni bir proekt kurdular: halk ustalarına yardım hem onnarın yaratmalarını Gagauziyada hem başka erlerdä pazarlama proektı.
Proekt verer umut, ani gagauzların adetlerini, kilimciliini, ellän dikili peşkirlerini başka erlerdä da tanıyaceklar artık. Tanıdıynan da satın almaa başlayaceklar.



 MEDALİ VERİLDİ  

 
Gagauziyanın “Eniycä” adlı çiftçilik-industriya kooperativin brigadirinä İvan TELPİZä becerikli çalışmaları için Moldovanın “Meritul Civic” medalisi verildi.



 GAGAULARIN BİLİM GRAMATİKASINA - 40 YIL  

 

Kırım ayın (dekabri) 8-dä Komrat Devlet Universitetindä (KDU) “40 лет научной грамматике гагаузского языка” adlı bir bilim-prakrik konferenţiyası oldu.



”ASENA TEKSTİL” KONGAZA GELER  

 
Kongaz primarın Demyan KARASENNİnin açıklamasına görä önümezdeki yılda bu küüydä 600 kişiyä deyni iş eri açılacek.
Buna kolaylık verecek o, ani Türkiyenin “Asena Tekstil” Holdingi önümezdeki ay Kongazda terzilär için makinaları erleştirmää başlêêr.



 UŞAKLARA GİİYİM YARDIMI  

 
Cumaa günü, Kırım ayın (dekabri) 24-dä, Kişinövda bulunan gagauz cümne fondu “Kaynak” hem Türkiye İşbirlii Kalkınma Agenstvosu (TİKA) birliktä yaklaşık dokuz bin dolarlık yardım (kış rubaları) gagauz uşaklarına deyni yaptılar. Rubalar bütün Gagauziyadan seçilän 300 fıkaara ayledän uşaklara verilecek.



 BİLİM KONFERENŢİYASI  

 
Gagauziyanın kurulmasınnan ilgili olarak “Единая Гагаузия” cümne kuruluşu Kırım ayın (dekabri) 17-18 günneri arası bir bilim konferenţiyası yaptı. Konferenţiyada pay alan “Единая Гагаузия” predsedateli Mihail FORMUZAL, Gagauzların eski liderleri Mihail KENDİGELÄN hem Stepan TOPAL, bilim adamnarı Gagauz Respublikasının hem Gagauz Yeri avtonomiyasının kurulması için annattılar.



 HALKLARARASI KONFERENŢİYA  

 

Moldova Prezidentinin Vladimir VORONİNın teklifinä görä, Kırım ayın (dekabri) 22-dä Kişinövda halklararası bir konferenţiya oldu – “10 лет автономно территориального образования Гагаузия и единство народа Республики Молдова”.



MOLDOVADA PROEKTLAR DEVAM EDECEK  

 

Türk kultura Merkezinin açılışından sora, biz teklif ettik TİKA Başkanı Hakan FİDAN birkaç soruşumuza cuvap versin. Canabisi büük havezlän kayıl oldu.



TÜRK KULTURA MERKEZİ AÇILDI  

 

Cumaa günü, Kırım ayın (dekabri) 24-dä Moldovada Türkiye Büükelçisi Fatma Fırat TOPÇUOGLU, Kişinöv Devlet Universitetin Rektoru G.RUSNAK hem TİKA Başkanı Hakan FİDAN birliktä Kişinöv Devlet Universitetindä bulunan Türk kultura Merkezinin ofişial açılışı yaptılar.



S.DEMİRELä “ORDİNUL REPUBLİCİİ” VERLDİ  

 

Kırım ayın (dekabri) 22-dä Moldova Prezidenti Vladimir VORONİN kendi rezidenţiyasında Türkiyenin 9-cu Prezidentinä Süleyman DEMİRELä Moldovanın en büük ordenını “Ordinul Republicii” verdi.



GAGAUZIYANIN 10-cu YILDÖNÜMÜ YORTUSU  

 

Gagauziya kendi 10-cu yıldönümü yortusunu kutladı. On yıl geeri, 1994-cü yılın Kırım ayın (dekabri) 23-dä, Moldova Parlamenti “Gagauziya (Gagauz Yeri) özel hak statusu için” Kanonu kabletti. Bu kanona görä Gagauziya kuruldu hem gagauzların avtonomiya hakları tanındı.





HALK YARATMASI (FOLKLOR)


 ALTIN SÖZLÄR (№12, 2004)  

 
Zaabit kafası var onda.
Herbir horoz, kendi bokluunda eşinir.
Yekti kuzu.
İsteer çingenä gibi.
Çingenedän dönmä popaza benzeer.
Kedi gibi hep ayakça düşer.
Angı taşı kaldırısan, hep o altından çıkêr.





İNCÄZANAAT


 BELŢTÄ GAGAUZ PYESASI GÖSTERİLDİ  

 

Kırım ayın (dekabri) 18-dä Moldovanın Belţ kasabasının “Vasile ALEKSANDRİ” milli teatrusunun sţenasında gagauz dramaturgun Todur ZANETin “Büülü maaza” adlı pyesası gösterildi.













© «ANA SÖSÜ aslı haber» S.R.L.

Kurucu: «ANA SÖSÜ aslı haber» S.R.L.

Yazışma adresimiz: RM-2028, Moldova, Kişinöv, c/p № 1025.

Sertifikat № 104129075.

 

Baş redaktor – Todur ZANET.

E-mail: info@anasozu.com,  zanet@anasozu.com

Hepsi avtorluk hakları devlet tarafından korunêr.

Redakţiyadan izin almadaan materialları kimsey kullanamaz.