Baba Marta (mart) 2005, N 3 (478)
HABERLÄR
|
BAŞKAN HALKA DANIŞTI
|
|
|
|
|
Baba Marta ayın 22-dä olan Gagauziya Halk Topluşu hem Gagauziya İspolkomu ortak toplantısında Başkan Georgiy TABUNŞÇİK Gagauziya halkına danıştı.
Danışmada bu yıllarda kuvettä bulunannarın tarafından yapıldıı işlär annadılêr, yapılacek plannar açıklanêr. Gagauziyanın Moldovada eri hem rolü gösteriler, Türkiyenin yardımnarı için da sölener.
Moldova Parlamentinä seçimnär için danışmada büük bir er kaplêêr. Başkan sayêr, ani insannarı aldattılar da o üzerä onnar oylarını bölä kullandılar. |
|
|
|
“EDİNAYA GAGAUZİYA” MEYDANA ÇIKTI
|
|
|
|
|
Bu afta, pazertesi, “Edinaya Gagauziya” liderleri Gagauziya Başkanı Georgiy TABUNŞÇİKlän buluşmaa istedilär. Ansızdan gelän insannarı Başkan kabledämedi, onnara ertesi günü randevu verdi. Ozaman onnar sekretariatta bir yazı braktılar.
Meydana çıkan “Edinaya Gagauziya” liderleri hem onnarın taraftarları açıkladılar, ani Gagauziyada seçimneri kaybedän komunist partiyasının temsilcisi Georgiy TABUNŞÇİK iştän atılsın. Bundan karä onnar isteerlär, ani Gaguziya Halk Topluşu deputatına İlya ÇOLAKa karşı ceza işi açılsın hem İvan BURGUCU kapandan serbest brakılsın. |
|
|
|
TÜRKİYE STİPENDİYA VERDİ
|
|
|
|
|
Her yıl gibi bu yıl da Türkiye Respublikası Moldova vatandaşları için Türkiye Universitetlerindä 40 er verdi. Onnarın arasında 5 er - aspiranturaya, 31 er gagauzlara deyni, 4 er da başka milletlerin uşaklarına. Karşılıklı olarak, Moldova da türk studentlerinä deyni 20 er verecek. |
|
|
|
5-ci MTS AÇILDI
|
|
|
|
|
Baba Marta ayın 3-dä Gagau-ziyanın Çöşmäküüyündä maşina-tehnologiyalı stanţiyası (MTS) açıldı. Bu artık beşinci MTS. Taa ileri onnar Kongazda, Çok Meydanda, Kiriettä hem Çadırda açıldılar. |
|
|
İSTORİYA
HALK YARATMASI (FOLKLOR)
|
BİLMECELÄR (№3, 2005)
|
|
|
|
|
4. Dam dolayanında tavşan izi; su damnêêr saçaktan. – O yaamur.
5. Bir öküzüm vardır, Yatır kalkmaz. – O duman.
6. Bir öküzüm var, dan erleri aarıkan yatêr, bir küü savaşsın, kaldıramayor. – O duman.
7. Var bir al beygirim, nerdä yatêr, ot bitmeer. – O ateş.
8. Sendä var, bendä var, Bir kuru dalda da var. – O gölgä. |
|
|
|
ALTIN SÖZLÄR (№3, 2005)
|
|
|
|
|
Gülmä aalemä, zerä gelir başına.
Kocasız karı – yularsız beegir gibi.
Utanmasından erä girmiş.
Titirer yaprak gibi.
Zavalı pipi katısına dönmüş.
Üfkesindän patlaycek.
Çekeder, neyanı gözü görüsä.
Her köpek olaydın, bizim küüdä bok kalmaceymış.
Sarkarmış şeytan torbası gibi.
Durêr don aaç gibi.
Şiret tilki gibi.
Aalemin ellerinnän sıcak demir taşıyêr.
Koca beygir kuyruunu gördüynän, kendisini tay sanırmış. |
|
|
|
MAANİLÄR (№3, 2005)
|
|
|
|
|
№5
Tüfeciim atılmayor,
Pahalı, satılmayor.
Bu uzun gecelerdä
Yalnız yatılmayor.
№6
Hay derelär, derelär,
Nelär bilirim nelär.
Gözäl kızın koyununda
Alma gibi memelär.
№7
Daa başında kirezlär.
Seni bana vermezlär.
Alıp kaçarım seni,
Karannıktır, görmezlär.
№8
Kar yaar senä, senä
Yambolun deresinä.
Hey kız, kurban olayım
Memenin tepesinä. |
|
|
|
