Hederlez (may) 2005, N 5 (480)
HABERLÄR
|
D.KARA ÇOBANın DUUMA GÜNÜ
|
|
|
|
|
Hederlez ayın (may) 27-dä anılmış gagauz yazıcısının Dimitri KARA ÇOBANın (1933-1986) duuma günündän 72 yıl tamamnandı. |
|
|
|
“ALTIN AT” YARIŞI
|
|
|
|
|
Adetä görä, “Hederlez” yortusu günü Çadırda “Altın At” yarışmaları oldu. Bu yarışmalar “AT-Prolin” öndercisinin Konstantin KELEŞin çalışmaşınnan olêr.
Yarışmalarda enseyennerä Moldova Prezidentini Kupası hem Gagauziya Başkanın ödülü verildi. |
|
|
|
BANKA MERAKLANÊR
|
|
|
|
|
Hederlez ayın (may) 13-dä Gagauziya Başkanı Georgiy TABUNŞÇİK kendi iş odasında Dünnä Bankasının (DB) Moldova temsilcisinnän Êdvard BRAUNna buluştu.
Buluşmakta Gagauziyada yapılan proektlara DB tarafından para yardımı konuları konuşuldu. |
|
|
|
SPONSORLAR ÇADIRA GELDİLÄR
|
|
|
|
|
Çadırda bulunan türk liţeyin İstambuldan sponsorları, 100 kişidän zeedä türk işadamı, Gagauziyada bulundular. Onnar liţeyin çalışmasınnan tanıştılar. Liţeyin büük başında Gagauziya önderci-lerinnän, başta Gagauziya Başkanı Georgiy TABUNŞÇİKlän, buluştular. |
|
|
|
SEMİNAR OLACEK
|
|
|
|
|
Kirez ayın (iyün) 1-3 günneri arası Moldovada Türk işadamnarın seminarı olacek. Bu seminara Türkiye devlet Bakanı Kürşad TÜZMENin başkannıı altında 100 türk işadamı gelecek. |
|
|
|
M.FORMUZAL ENİ PARTİYADA
|
|
|
|
|
Respublika Halk Partiyası (RHP) – şindi bölä ad taşıyacek Moldovanın Çiftçi hristiyan-demokratik partiyası. Bölä karar alındı bu partiyanın toplantısında.
RHPnın Başkanı eski politikacı Nikolay ANDRONİK seçildi. Partiyanın respublika Sovetinin Başkanı Mihail FORMUZAL, Çadır kasabasının primarı, seçildi. |
|
|
HALK YARATMASI (FOLKLOR)
|
MAANİLÄR (№5, 2005)
|
|
|
|
|
№13
Keremit bacaları.
Giidim alacaları.
Dokunsam gelinnerä,
Ne däär kocaları?
№14
Başımdakı gugula,
Faneladır fanela.
Aldım bir müsül karı,
Oldu başıma bela.
№15
Çıbuk uzun, tütün az,
Etär ettin bana naz.
İil bir öpcük, öpeyim,
Sana etsin bütün yaz.
№16
Çıbuk uzun kestirdim,
Bän anamı küstürdüm.
Küsmä anam, küsmä cänım,
Bän sana, can, fes kestirdim. |
|
|
|
BİLMECELÄR (№5, 2005)
|
|
|
|
|
15. Dallı, budaklı
Yarma parçası. – O kaurulmuş yahnı.
16. Aul kurusu. – O pastırma osa sucuk.
17. Kaleya gittim,
Ne bakanamadım?
Uzak dolaştım
Bakanamadım. – O süt.
18. Austos ayında bir parça yolma. – O piinir. |
|
|
|
ALTIN SÖZLÄR (№5, 2005)
|
|
|
|
|
Bizim innsannarmız bölädir – kouyn gibi: biri düşärsa yara, hepsi aardından düşer.
Hem ilkin sän açılırsın çiidem çiçää gibi.
Dilin kemii yoktur, ne istärsä soleer.
Gezmä yoluk saksan gibi.
İslää toprakta islää ekin olêr.
Yalanêrsın köpek gibi.
Ne Allaha mum olur, ne şeytana süpürgä.
Bir dildä var iki türlü dat.
Erken kalkana Allaa verer.
Kim yaalarsa o gider.
Kim üürenmemiş da bilmeer, hem bilmeyecek ta. |
|
|
|
