Harman ay (avgust) 2005, N 8 (483)
HABERLÄR
|
KOMRATLILARI KUTLADILAR
|
|
|
|
|
Gagauziya Başkanı Georgiy TABUNŞÇİK hem GHT Başı Stepan ESİR Gagauziya İspolkomunun hem GHTnın adından komratlıları Komratın 216-cı yıldönümünnän kutladılar.
Kutlamak mesajında urgulanêr, ani “Gagauziya avtonom-teritorial kuruluşunun, angısının onuncu yılını biz geçän yıl kutladık, temeli Komratta kuruldu”. |
|
|
|
İÇİŞLERİ BAKANNIIN 10-cu YILDÖNÜMÜ
|
|
|
|
|
rak ayın (iyül) 29-da Komratta Gagauziya İçişleri Bakannıın kurulmasının 10-cu yıldönümünnän hem slujbalarında canını kaybedän poliţiyacılara anmak taşı açılmasınnan ilgili kutlamaklar oldu. Onnarda Gagauziya Başkanı Georgiy TABUNŞÇİK, Moldova İçişleri Bakanı G.PAPUK, GHT Başı Stepan ESİR, Gagauziya İçişleri Bakanı Konstantin TELPİZ pay aldılar. |
|
|
|
BAAMSIZLIIN 14-cü YILDÖNÜMÜ
|
|
|
|
|
arman ayın (avgust) 27-dä Mol-dova Respublikası kendi baamsızlıının 14-cü yıldönümünü kutladı. Bu yortuylan ilgili kutlamaklar Kişinêunun “Milli toplantısı meydanında” oldular. |
|
|
|
AVTORALLİ GAGAUZİYADAN DA GEÇTİ
|
|
|
|
|
oldova Respublikasının baamsızlıının 14-cü yıldönümünnän ilgili olarak Harman ayın (avgust) 26-27 günneri arası Moldovada “Baamsızlıın Kupası 2005” I-ci Milli avtoralli yarışı oldu. Avtorallinin bir parçası Gagauziyanın yollarından da geçti. |
|
|
|
“LİMBA NOASTRA” YORTUSU
|
|
|
|
|
14 yıl geeri Harman ayın (avgust) 31-dä Moldovada devlet dili kabledildi. Ozamandan beeri bu gün Moldovanın bütün topraklarında “LİMBA NOASTRA” yortusu olarak bakılêr. |
|
|
|
KOMRATIN KURTULUŞUNUN 61-ci YILDÖNÜMÜ
|
|
|
|
|
İkinci Dünnä cengindä 1944-cü yılın Harman ayın 23-dä Komrat kasabasının içinä Sovet askeri girmiş, kurtarıp onu nemşä-rumın kuvetlerindän.
Bu olaylan ilgili Komratta Şannılar Aleyasında miting oldu hem buradakı mezarlara çiçek koyuldu.
Saygı meropriyatiyalarında Moldova Prezidenti Vladimir VORONİN da pay aldı, kutlayıp komratlıları bu yortuylan. |
|
|
|
AVGUST KONFERENŢİYASI OLDU
|
|
|
|
|
Harman ayın (avgust) 23-dä Komratta Gagauziya üüredicilerin avgust konferenţiyası oldu. Bu yıl konferenţiyanın çalışmasında Moldova Prezidenti Vladimir VORONİN, Gagauziya Başkanı Georgiy TABUNŞÇİK, GHT Başı Stepan ESİR, Moldova üüredicilik bakanı Viktor ŞVİRKUN pay aldılar. |
|
|
|
RESİMCİLİK SİMPOZİUMU
|
|
|
|
|
Harman ayın (avgust) 29-da Komratta II-ci Halklararası resimcilik simpoziumu açıldı. Simpoziuma Moldovadan, Ukraynadan, Makedoniyadan, Yaponiyadan, Franşiyadan, Pridnestrovyedan hem Gagauziyadan resimcilär katılêr.
Simpozium 16 gün sürtecek. Sora yaratılan resimnerin sergisi olacek hem birär resim Gagauziyeya baaşlanacek. |
|
|
|
GAZIN PAASI İKİBUÇAA KALKABİLİR
|
|
|
|
|
AO “MOLDOVAGAZ” açıkladı, ani Rusiyanın “GAZPROM” kuruluşunnan yapılan görüşmelerdä Moldovaya 2006-cı yılda satılacek gazın paası belerlänmedi. Bu görüşmelär güzä enidän başlaya-ceklar.
RAO “GAZPROM” durêr onda, ani Moldovaya satılacek gazın paasını 2006-cı yılın Büük ayın (yanvar) 1-dän beeri ikibuçaa kaldır-maa. |
|
|
|
YAKIT PAALARINDA FIRTINA
|
|
|
|
|
Moldovada yakıt paaları genä üüseldilär. Bu kerä taa 22%. Örnek olarak “Ai” benzinin paası 9,3 ley-dän 11,40 ley oldu.
Bir ayın içindä yakıt paaları yaklaşık 33% büüdülär.
Bu uurda bizi taa nelär bekleer?
|
|
|
İSTORİYA
HALK YARATMASI (FOLKLOR)
|
MAANİLÄR (№8, 2005)
|
|
|
|
|
№25
Deredä kaymak olmaz,
Dilberä doymak olmaz.
İil bir yolcuk öpeyim,
Yolcuyum durmak olmaz.
№26
Ay aydındır, varamam,
Ölä rezil olamam.
Ay buluda girdikçän,
Baalasalar duramam.
№27
Kaledä kaun iplär,
Kauna dilim derlär.
Biz da gitsäk ne derlär?
Saymış ta gelmiş, derlär.
№28
Sarı gülün sarısı.
Tuttu başımın arısı.
Geldi gecä yarısı.
Geşti başımın arısı. |
|
|
|
ALTIN SÖZLÄR (№8, 2005)
|
|
|
|
|
Eni çivi eski çiviyi fırladır.
Akıllı kafaya, sopa diil lääzım.
Bal deecää erdä bok deer.
Büünyölän büün gömüler, yaarın ölän – yaarın gömüler.
İslää yaparsan, islää görüsün.
İslää adam – akıllı adam, kendi kendinä bir vakıt üünmäz.
Çekettin mi yoluna, bak önünä, bakma aardına.
Bayır bayırnan kauşamasa, insan insannan kauşer.
Aç tauk düşündä em görümüş.
Bakêrlar bana ayıya bakar gibi.
Türkçä annêêrmısın?
Musaafirlää güttiynän, torba yanında olsun. |
|
|
|
BİLMECELÄR (№8, 2005)
|
|
|
|
|
29. Daul tokmaa. – O pipi kopanı.
30. Er altında yaalı kayış. – O yılan.
31. Sarıdır, sahfran diildir,
Karadır, katran diildir,
Kanadı vardır, kuş diildir. – O kelebek.
32. Daya gidär harapçik,
Daadan gelir
ayanda sarı çorapçik. – O kuvan. |
|
|
İNCÄZANAAT
|
