Büük ay (yanvar) 2006, N 1 (488)
HABERLÄR
|
AAÇLIK YILI
|
|
|
|
|
Bu yılın sonunda tamamnanacek 60 yıl nicä Stalinizma vakıdında gagauzlara karşı zoorlan aaçlık yapıldı. Ozaman, 1946-1947-ci yılda, o aaçlıktan hem sora da, 1949-da Sibiriyeya sürmedän, halkımızın yaklaşık 40% raametli oldu. Bunu untmayalım. |
|
|
|
GAGAUZİYANIN DEVLET VARLII
|
|
|
|
|
Moldovanın ekonomika hem alış-veriş Bakannıın açıklamasına görä Gagauziyada devlet varlıında 45 komerţiya, 15 devlet, 60 bücet hem 21 munişipal kuruluşu bulunêr. Bu aktivların paası toplam 1,22 miliard ley yapêr (yaklaşık 94 milion dolar). Bütün Moldovanın varlıı 43 miliard leydän zeedä yapêr (yaklaşık 3,3 miliard dolar). |
|
|
|
MARTTA ÇEKMÄÄ BAŞLAYACEKLAR
|
|
|
|
|
Geçän yılın Kasım ayında TİKA tarafından yapılan ”Gagauziyanın Çadır kasabasına içmäk suyu verilmesi için” (1.050.000 ABD doları) tendarı kazanan “Uluanak İnşaat Ltd. Şti.” firması, ayazların beterinä, vakıdında işä başlayamadı.
Büük ayda (yanvar) Moldovaya gelän firmanın temsilcileri açıkladılar, ani ayaz düşüncä işä çekedeceklär. Demeli içmäk suyunu Baba Marta ayıda (mart) çekmää başlayaceklar. |
|
|
|
GREŞİYADAN 220 000 EURO
|
|
|
|
|
Greţiyanın içişleri Bakannıı karar almış Gagauziyeda soţial hem üüredicilik programaları için 220 000 EURO yardım vermää. Bu paralar nereyi harcanacek kesin belli olacek ozaman, açan Greţiyadan gelän delegaţiya Gagauziya öndercilerinnän buluşacek. |
|
|
|
SUD KARARI AÇIKLADI
|
|
|
|
|
SUD Büük ayın (yanvar) 17-dä Moldovanın sudu Moldovanın eski korunmak Bakanını hem SİB direktorununu Valeriy PASATı 10 yılına kapana kapamaa karar aldı.
Valeriy PASAT irmibir MiG-29 uçaan satmasında Moldovaya 55 milion dolar zarar getirmesindä kabaatlı tanınêr. |
|
|
İSTORİYA
HALK YARATMASI (FOLKLOR)
|
MAANİLÄR (№1, 2006)
|
|
|
|
|
№46
Kalenin ortasında
Mum yanar sofrasında.
Benim bir dostum var
Beşalmanın ortasında.
№47
Ay duuar ayan, ayan.
Örüdüm yayan, yayan
Benim bir yärim vardır,
Hep sölär yalan, yalan.
№48
Ay duuar aya standan,
Gün duuar biyaz standan.
Canım bir karpuz istär
Otuz iki bostandan.
№49
Kemençä çala, çala.
Çıktım incä dala.
İncä dal kırıldı,
Kızlar bana uruldu. |
|
|
|
ALTIN SÖZLÄR (№1, 2006)
|
|
|
|
|
Ne fena kızmışın beegir fışkısı gibi.
Ne büük olmuşun beegir fışkısın üstünä bülbül kuşu gibi.
Ne koydular yönünä da - i.
Yata, yata götündä mantar bitecek.
Ne seslenersin saamal domuz gibi.
Yaraşêr sana, nası domuza boyundruk.
Dooruysun torbada çatı gibi.
Herbir arı bal yapsa, Çanak, çanak laana imäzdik.
Boku dürtmedän kokmaz.
Kendi diilsaydın dokunma.
Dökülän kap dolmaz. |
|
|
|
BİLMECELÄR (№1, 2006)
|
|
|
|
|
54. Dört kardaş bir gölmektä yaşar
(yada: bir gölmek içindä yatêr). – O ceviz.
55. Kendinä erdän bitän bir tenä. – O parasa.
56. Dokuz dipli fıçı. – O saz.
57. Ak pak biyaz yımırtaymısın?
Avcılar geldi, sän da burdaymısın? – O çiidem.
58. Pır, pır dönär,
Ak ak sıçar. – O dermen. |
|
|
|
