Küçük ay (fevral) 2007, N 2 (501)
HABERLÄR
|
UNİVERSİTET 16 YŞINI TAMAMNADI
|
|
|
|
|
Küçük ayın (fevral) 11-dä 16 yıl tamamnandı nicä 1991-ci yılda Gagauz Milli Universiteti kuruldu. (Moldova Respublikası Universiteti-mizi altı aydan sora, Harman ayın (avgust) 1-dä tanıdı).
Büünkü gindä Milli Universitet Komrat devlet Universiteti adını taşıyêr. Bu dataylan ilgili Universi-tettä bilim simpoziumu oldu. |
|
|
|
“AFGANNILARA” ÇİÇEK
|
|
|
|
|
Afganistan cengini geçirennär her yılın Küçük ayın (fevral) 15-dä (Afganistandan sovetlär askerinin çıkma günü) o cengä kurban olannarın gününü bakêrlar. Devlet ta, kendi tarafından, diri kalannara hem kayıp olannarın aylelerinä para yardımı yapêr, anmak taşlarına çıçek koyêr. Bu yıl da, nicä 17 yıl sıravardı, devlet sözündä durdu. |
|
|
|
www.anasozu.com SAYFAMIZA ATAKA
|
|
|
|
|
İki yıl geeri, Küçük ayın (fevral) 4-dä gazetamızın www.anasozu.com adresli internet sayfası açıldı. Bu iş verdi kolayını gazetamız genä, nicä XX-ci üzyılın 90-cı yıllarında, dünneyä açılsın, gagauzlar için haberlär bütün dünneydä okunsun.
Bir ay geeri, bu sayfaya kapansın deyni, ona titsi bir ataka yapıldı. Ama vakıdında alınan korumaklan sayfamızı kurtardık.
Yaşa www.anasozu.com!
|
|
|
|
KESEYİ DOLDURMAA DEYNİ ENİ SATIŞLAR BAŞLÊÊR
|
|
|
|
|
Gagauziya Baknnık Komiteti (İspolkomu) kararına görä Gagauziyanın ilerdän satılmadık, ya da devletä zorlan geeri döndürülän, malları açık arttırma satışına çıkarılacek.
Neettä var Komrat “Drujba” kino-teatrusunu (eskidän bir kerä satıldı, sora da geeri alındı), et kombinatını, birkaç kuş fabrikasını, maşinostroeniye denemä-eksperemental zavodunu hem devletin başka kuruluşları, ani 2006-cı yılın sonunda olan aukşionnarda satmaa etiştirämedilär (osa becerämedilär mi?), enidän satılaa çıkarmaa.
Gagauziyanın devlet varlıı hem özelleştirmä upravleniyasının Başı Anatoliy DİMOGLU umut eder, ani bu mallar satılacek, zerä “onnar taa uygun paaya” teklif edileceklär.
Bu satışlan, eni kuvedä boş brakılan devlet kesesinä biraz para damnayacek. |
|
|
İSTORİYA
İNCÄZANAAT
|
