ANA SÖZÜ

ARHİV

2010

2009

2008

2007

2006

2005

2004

2010

2009

2008

2007

2006

2005

2004


	"ORHON YAZILARINI YARATAN HALK HEM GAGAUZLAR - HEP O HALKTIR" (Valentin MOŞKOV, "Гагаузы Бендерского уезда", 1900 yıl)

Kasım (noyabri) 2008, N 11 (522)

HABERLÄR

DEPUTATLAR GAGAUZİYAYA GELDİLÄR

Kasım ayın ilk aftasında Gagauziyeya kısa bir vizitlän Türkiye Parlamentindän birkaç deputat geldi.
Vizit zamanında onnar Gagauziya Başkanınnan buluştular. Bundan kaarä Komrat Devlet Universitetında üürenän türk studentlarınnan konuştular, onnarın problemalarınnan tanıştılar.

GUMANİTAR YARDIM GELER

Geçän 2007-ci yılın kuraannan ilgili olarak Moldovaya Rusiyadan gumanitar yardım gelmää başladı. Onnarın birazı Gagauziyaya gelecek. Büünkü gündä artık 15 vagon ekin geldi. Beklener taa 12 vagon.
Gagauziyanın Başkanı açıkladı, ani Gagauziyaya düşän gumanitar yardımın payından bir bölümü rezervaya koyulacek, bir bölümü da insan arasında paylaştırılacek.

EV VERİLECEK

Moldova pravitelstvosunun kararına görä universitetları başaran hem sora küüyä işä gidän genç speşialistlerä devlet tarafından parasız ev verilecek. İlktän beş yıl genç speşialistlär orada parasız yaºayaceklar, beş yıldan sora da o evlär onnara baaºlanacek.

KIPÇAK ENİ KLİSÄ OLACEK

Kasımın 18-dä Kıpçak küüyün kultura eni tertiplenän kultura Evinin açılışı oldu. Remonttan sora Kultura Evi Moldovada hem Gagauziyada en donaklı evlerdän birisi oldu. Hep o günü Kıpçakta taa bir klisenin temel taşı koyuldu. Bu meropriyatiyalarda Moldova Prezidenti Vladimir VORONİN pay aldı.

ENİ PRAVALAR

Pravitelstvonun kararına görä şoförlerä verilän pravalar evrostandarta 2010-cu yılın Kırım ayın (dekabri) 31-dän diiştirilecek. Eski pravalar da kalcek, ama 01.01.2011 beeri onnar sade Moldova hem BDT içindä tanınaceklar.

TAA 2 DEPUTAT AYIRDILAR

Kasımın 23-dä Gagauziyada 3 seçim bölümündä GHTya (Gagauziya Halk Topluşu) deputatlar läzımdı seçilsin. Açıklanan haberlerä görä Komratta İvan MARDAR hem Valkaneştä Georgiy KOPUŞÇU deputat seçildilär. Çadırda, insannarın aaz aktiv oldukları için, seçimnär enidän olacek.

ENİ EVÄ DEYNİ ENİ TERTİP!