ANA SÖZÜ

ARHİV

2010

2009

2008

2007

2006

2005

2004

2010

2009

2008

2007

2006

2005

2004


	"ORHON YAZILARINI YARATAN HALK HEM GAGAUZLAR - HEP O HALKTIR" (Valentin MOŞKOV, "Гагаузы Бендерского уезда", 1900 yıl)

Hederlez (may) 2009, N 5 (528)

HABERLÄR

KONGRES BİR TARAFA, KRİZİS ÖBÜR TARAFA!

Gagauziya hazırlanêr Dünnää gagauzların II-ci Kongresinä.

“MOLDOVADA PRESA SERBESTLİİ YOK...”

Bölä sözlerin altında geçti Kişinevın opera teatrusunun önündä bir miting, ani Hederlez ayın (may) 3-dä presa serbestliin Bütündünnä gününü kutlamsınnan ilgiliydi.

MUZEYLERİN GÜNÜ

Hederlez ayın (may) 18-dä dünnedä muzeylerin Günü bakılêr. Bu gündä muzeylär gecä yarısınadan açık hem onnara giriş parasız.

GAGAUZ DİLİNDÄ XX-ci OLİMPİADA

Çiçek ayın (aprel) 21-22 günnerindä Komratta XX-ci Gagauz dili hem literaturası Respublika Olimpiadası oldu. Ona rayon Olimpiadalarında ilk üç eri kazanan uşaklar katıldı.
Olimpiadanın jüri başı Dr. Lübov ÇİMPOEŞ açıkladı, ani “uşakların pek zengin gagauz dili hem derin literatura bilgileri var”.

KVOTALAR ZEEDELENDİ

Rusiya Federaţiyasının kararına görä, bu devletin universitetlarında üürenmäk için, Moldovaya deyni açılan studentlar kvotası iki katına zeedelendi.
Bunu esaba alarak, Gagauziya İspolkomu savaşacek, ani Gagauziyadan nekadar çok uşak bu proektı kullansınnar. Bundan kaarä savaşaceklar yollamaa uşakları başka devletlerä dä. O devletlerin arasında her yılın Türkiye universitetları da var.

ER GENÄ TEPREDİ

Çiçek ayın (aprel) 25-dä Moldovada er tepremesi oldu - Rihter şkalasına görä 5 balla kadar.
Moldova seysmologiya merkezinin açıklamasına görä er tepremesinin göbää Kişinevdan 250 km uzaklıkta, Rumıniyanın Vrancea bayırlarının uurunda, 150 km derinniktä bulunêr. Er tepremesindän kurban hem yıkıntılık yok. Bu kuvettä er tepremeleri Moldovada birkaç yılda bir kerä olêr. Bitkisi 2006-cı yılda olduydu.

ÇOK UŞAK DUUDURAN