ANA SÖZÜ

ARHİV

2010

2009

2008

2007

2006

2005

2004

2010

2009

2008

2007

2006

2005

2004


	"ORHON YAZILARINI YARATAN HALK HEM GAGAUZLAR - HEP O HALKTIR" (Valentin MOŞKOV, "Гагаузы Бендерского уезда", 1900 yıl)

Kirez ay (iyun) 2009, N 6 (529)

HABERLÄR

ZAKON KESKİNNEŞTİ. ŞTRAFLAR BÜÜDÜ.

Kirez ayın 1-dän beeri kuvedä geçti “Moldova Respublikasının zakonnara aykırı gidennär için Kodeksı”. Ona görä azarlamak için hem yol kurallarına aykırı gitmäk için ştraflar büüdü.

GAGAUZİYA ÇİFTÇİLİK HEM KURAK TARAFI

Zamannardan kalmış, ani gagauzlar sade çiftçiliklän kendilerini bakarmışlar. Şindi da may bişey diişmedi.

ORDENNAR HEM MEDALLÄR KURULÊR

Gagauziya Başkanının Mihail FORMUZALın teklifinä görä Gagauziyada kendi ordennarı hem medalleri kurulacek.

“GAGAUZ HALKI” AKINTISI

Hederlez ayın (may) 21-dä “Gagauz Halkı” akıntısının kurulmasından 20 yıl tamamnandı. Onun kurulmasının ilk temel taşı koyuldu 1988-ci yılda gagauz resimcisinin Dimitri SAVASTİNın yaratmak atelyesında, nereyi toplanardılar gagauz resimcileri hem yazıcıları.
Taa sora “Gagauz Halkı” akıntısına girdilär Çadırdan “Millet sancısı” hem Valkaneştän “Vatan” hem “Birlik” akıntıları. Ama Gagauz Respublikası kurulunca bu akıntının azaları bütün gagauz halkı olduydu.

RESİMCİLÄR BİRLİİ

Hederlez ayın (may) 23-dä Gagauziyanın Resimcilär Birliin 5-ci Kongresı oldu. Kongrestä resimcilerin problemaları konuşuldu. Kendi önderci organnarını ayırdı. Başkan enidän Dimitri NOVAK (Ayoglu) ayırıldı.
Dünnedä en çok anılmış hem tanınmış büük gagauz resimcisi Dimitri SAVASTİN Gagauziyanın Resimcilär Birliinä girmeer.

GAGAUZİYANIN UŞAKLARI

Kirez ayın (iyün) 1-dä dünnedä uşakların koruması Halklararası Günü bakılêr. Bu günä karşı Gagauziyanın insannara arka olmak Fondu uşaklara yardım için 163 bin ley verdi. Bu paradan 200-zär ley üüsüzlerä verilecek. Kalan para çok uşaklı aylelerä daadılacek.

Anatoliy MAKRİŞ – 85 YAŞINDA!

Hederlez ayında romın bilim adamı Anatoliy MAKRİŞ 85 yaşını tamamnandı. Bu adam zamanında Beşalmada duumuş. Bütün yaşamasında gagauzlara sevgisini üreendä taşımış. Bitki yıllarda gagauzları Romıniyada tanıtmaa deyni gagauzlar için çok kiyat çıkardı.

TURİZMA

Bu afta Gagauziyaya Polşadan ilk turıst grupası geldi. Onnar Gagauziyanın muzeylerinnän, insannarınnan, küülerinän tanıştılar. Ayırıca Gagauziya Başkanunnan buluştular.

AKKERMAN GÜNNERİ

Ukraynanın Belgorod-Dnestrovsk kasabasında (eski adı Akkerman) Hederlez ayın (may) 23-dä Gagauziyanın Günü oldu. Orada pay aldılar Gagauz Respublikasını kuran veterannar hem gagauz halk ansamblisi “Kadınca”.

“EVROVİDENİYE – 2009”

“Evrovideniye – 2009” yarışmasında ensedi Norvegiyanın temsilcisi Aleksandr RIBAK (387 ball). Türkiyenin temsilcisi HADİSE dördüncü oldu. Moldovanın temsilcisi sä Nelli CİOBANU onikinci eri aldı.

SOŢİAL KORUMA TAA İSLÄÄ OLACEK