ANA SÖZÜ

ARHİV

2010

2009

2008

2007

2006

2005

2004

2010

2009

2008

2007

2006

2005

2004


	"ORHON YAZILARINI YARATAN HALK HEM GAGAUZLAR - HEP O HALKTIR" (Valentin MOŞKOV, "Гагаузы Бендерского уезда", 1900 yıl)

Orak ay (iyul) 2009, N 7 (530)

HABERLÄR

DÜNNÄ GAGAUZLARIN II-ci KONGRESİ

Önümezdeki ay, Harman ayın (avgust) 17-20 günneri arasında Gagauziyanın baş kasabasında Komratta Dünnä gagauzların II-ci Kongresi olacek.

GÜNÜN CÜMLESİ

“Hepsi kongresä katılannar – bu bizim gagauzlarımız, bizim kızkardaşlarımız hem kardaşlarımız.

ALTERNATİVA TEKLİFİ

Dünnä gagauzların II-ci Kongresinnän ilgili olarak, Kongresin tertip komitetına alternativa Rezolüţiyası olarak, kendi proektını teklif ettilär S.TOPAL, N.TERZİ, D.UZUN, L.DOBROV, D. GARGALIK, S. KURUDİMOV, K.TAUŞANCI, D.SAVASTİN, F.TERZİ hem F.DOBROV. Tertip komitetı tarafından bu proekt incelänmedi.

MOLDOVA KONSTİTUŢİYASININ 15-ci YILI BAKILDI

1994-cü yılın Orak ayın (iyül) 29-da Moldova Respublikasının Konstituţiyası kabledildi.

SEÇİMNERDÄ 8 PARTİYA PAY ALACEK

Moldovanın MSKsı (Merkez Seçim Komisiyası) açıkladı, ani Orak ayın (iyül) 29-da Moldova Parlamentına olacek seçimnerdä 8 politika partiyası pay alacek.

KDUda ENİ REKTOR

Komrat Devlet Universitetında eni rektor – Dr. Sergey ZAHARİYA. Moldova gençlär hem üüredicilik Bakannıı tarafından eni rektorun işä başlaması şindilik geçici olarak kabledildi.
Dr. Sergey ZAHARİYA KDUnun juridik fakultetını başardı, juridika bilgilerindä doktor, juridika fakultetın dekanı oldu.

KİPRAYA GİTTİLÄR

Poyraz Kipra Türkiye Respublikasının baamsızlıının 35-ci yıldönümü kutlamaları sebepinnän Gagauziya Halk Topluşun delegaţiyası Poyraz Kiprada bulundu. GHT Başı Anna HARLAMENKO başkannıı altında delegaţiya karşılıklı buluşmaklarda teklif etti Gagauziyanın ofiţial temsilciliini Poyraz Kiprada açmaa.

D. TANASOGLUnun ADI VERİLDİ

Gagauziyanın İspolkomunun hem GHTnın kararına görä Gagauziyanın Kiriyet-Lunga küüyün liţeyinä raametli gagauz yazıcısının, bilim adamının Dionis TANASOGLUnun adı verildi.
Bu olaylan ilgili olan yortulu toplantıda aydınnıdıcının aylesi, Gagauziyanın öndercileri, Canabisini bilän insannar pay aldılar.

KLİSENİN BİRİNCİ YILDÖNÜMÜ