ANA SÖZÜ

ARHİV

2010

2009

2008

2007

2006

2005

2004

2010

2009

2008

2007

2006

2005

2004


	"ORHON YAZILARINI YARATAN HALK HEM GAGAUZLAR - HEP O HALKTIR" (Valentin MOŞKOV, "Гагаузы Бендерского уезда", 1900 yıl)

Kirez ay (iyun) 2010, N 6 (541)

HABERLÄR

NEÇİN RUS DİLİ, DA DİİL GAGAUZ DİLİ?

GHT (Gagauziya Halk Topluşu) açıkladı, ani onun neetindä var Moldova Konstituţiyasınnan ilgili tekliflerini Evropa Sovetinä yollamaa.

28 İYÜN MOLDOVANIN OKUPAŢİYASI GÜNÜ OLDU

Kirez ayın (iyün) 24-dä Moldovanın geçici Prezidentı Mihai GHİMPU imzaladı bir Dekret Nr.376-V., angısına görä “1940-cı yılın iyün ayın 28-zi sovetlär okupaţiya Günü sayılêr”.

TÜRKİYEDÄN – AMBULANS

Hederlez ayın (may) 18-dä Moldovaya hem Gagauziyaya bir vizitlän gelän Türkiye Devlet Bakanı Faruk ÇELİK baaşladı Gagauziyaya bir reanimobil ambulansı. TİKA yolunnan taa dört bölä ambulans Moldovaya tezdä baaşlanacek (2 Gagauziyaya, 2 da Moldovaya).

RUSİYADAN – SOLÄRKA

Gagauziya Başkanı Mihail FORMUZAL genä açıkladı, ani Rusiya Federaţiyası yollêêr Gagauziyaya deyni 5 bin ton parasız solärka yardımı.
Yardım lääzımdı taa iki ay geeri gelsin. Ama şindi da diil geç – Gagauziyada orak vakıdı başlêêr. Sırada başkan seçimneri da.

BİYAZRUSİYADAN – TRAKTOR

Kişinevda yapılan pres-konferenţiyada Gagauziya Başkanı açıkladı, ani Biyazrusiyaylan var annaşma en orada yapılan traktorların bir modelini en yakın zamannarda Çadır kasabasında başlamaa toplamaa.

MOLDOVADAN – GAZON

“Gagauziya” futbol komandasının Moldovanın “A” divizionuna çıkmasınnan ilgili olarak, Moldova Futbol Federaţiyası baaşlayacek Komrat stadionuna bir sintetik gazon.

REFERENDUM

Moldova Parlamentının Evropaya İntegraţiya Alyansın öndercileri açıkladılar, ani bu yılın Ceviz (sentäbri) ayın sonunadan Moldovada Konstituţiyanın 78 statyasının diiştirilmesinnän ilgili referendum olacek. (78-ci statya Moldova Prezidentının seçilmesini açıklêêr).

SEÇİMNÄR

Konstituţiyanın 78 statyasının diiştirilmesinnän ilgili referendum başarılı olarsaydı, ozaman Kasım ayında Moldovada Parlamentın hem Prezidentın seçimneri var nicä olsun.

SİMVOLLAR

Totalitar komunist rejimını inceleyän komisiya sayêr, ani Moldovada komunist rejimını hem onun simvollarını zapa altına lääzım koymaa. Moldova Parlamentı bu konuda bir karar almadı.

DEKLARAŢİYA

Moldovanın baamsızlıı için Deklaraţiyanın kabledilmesinin 20-ci yıldönümünnän ilgili olarak, Kişinevun Opera hem balet teatrusunda büünkü Moldova Parlamentın hem birinci parlamentının deputatların ortak toplantısı oldu.
İrmi yıl geeri Parlamentın toplantısı bu teatruda olduydu.

BAYRAK

Gagauziyanın bayraa var nicä takılsın Elbrus bayırın tepesinä. En aazdan bunu isteer yaptırmaa Gagauziya İspolkomu, vereräk 5 bin ley bu iş için bir alpinista, ani adêêr, Elbrusa tırmanıp, bu işi başarmaa.
Elbrus bayırına tırmanmak başlaması Orak ayın 5-dä beklener.

STİPENDİYA

Gagauziyanın bücetindän parayı alıp, Gagauziya Başkanı kendi adından KDUnun (Komrat Devlet Universitetın) 4 en islää üürenän studentına dördär bin ley, “Gagauziya Başkanın” stipendiyası olarak, para verdi.

“BAŞKAN KUBOO - 2010”. HELAL OLSUN!