isatnbul_havalimanı_1

27.12.2018, tarafından yazılı , CÜMNE BÖLÜMÜ, 943 KERÄ BAKILMIŞ

“Atatürk” aeroportundan “İstanbul aeroportuna” reysların geçmesi

Başlayıp 2019-ci yılın Büük ayın 1-dän Türkiyenin İstanbul kasabasından hepsi eraplan reysları eni “İstanbul aeroportu” aeroportundan yapılacek. Bununnan ilgili Moldovanın dışişleri hem Evropaya integraţiya ministerlii açıklama yaptı.

Bu açıklamada sölener, ani İstanbul “Atatürk” aeroportundan İstanbulun eni “İstanbul aeroportu” aeroportuna  reysların geçirilmesi bölä yapılacek:

– “Atatürk” aeroportundan “İstanbul aeroportuna” reysların geçmesibaşlayacek 2018-ci yılın Kırım ayın 30-da saat 00:00-da da 2018-ci yılın Kırım ayın 31-dä saat 21:00-dä başarılacek.

– 2018-ci yılın Kırım ayın 31-dä saat 21:00-dän sora “Atatürk” aeroportu komerțiyalı iç hem dış reyslarına deyni kapanacek.

Bu üzerä ministerlik teklif eder Türkiyeyä gidän yada Türkiyedän geçän Moldovalı yolcular bu işi esaba alsınnar, da baksınnar biletlerindä angı aeroportadan onnar verilmiş.

Ozel durum olursa Moldova Respublikasının vatandaşları var nicä danışsınnar Moldova Respublikasının Türkiyedä konsulstvosuna: tel. (+90 212) 251 72 64; e-mail: istanbul@mfa.gov.md yada ministerlää: (+373 22) 788722.

BİR CUVAP YAZIN