Mazlum HASAN (1)_

08.09.2020, tarafından yazılı , CÜMNE BÖLÜMÜ, 252 KERÄ BAKILMIŞ

ATATÜRKün bobasının muzey kompleksını yaptıran Mazlum HASAN COVİD-19-dan öldü

Makedoniya örük türklerin yaşadıı Jupa kasabasının Merkez primariyasının eski Başkanı Mazlum HASAN 07.09.2020 günü raametli oldu.

Mazlum HASAN primar olduu zaman çalıştı, ani Jupa kasabasında restovrațiya yapılsın hem açılsın Mustafa Kemal ATATÜRKün bobası “Ali Rıza Efendi Anı Evi” muzey kompleksı.

Bu üzerä Makedonyia Respublikası kultura Bakannıı, Türk İşbirlii hem Koordinaţiya Agenstvosu Başkannıı (TİKA) hem Makedonyia Jupa kasabasının primariyası arasında protokol imzaladı.

Bu protokola görä başlatılan Mustafa Kemal ATATÜRKün bobası “Ali Rıza Efendi Anı Evi” muzey kompleksı, her iki memleket ustaları tarafından yapılan arheologiya araştırmaları hem çevrä küü evleri üzerinä yapılan incelemelär konusunda, proektlaştırarak, bir buçuk yıl gibi kısa bir vakıtta aslıdan uygun olarak yapıldı.

07.09.2020 günü da Makedoniyadan geldi haber, ani kendisini 50 yaşında COVİD-19 hastalıın beterinä Poyraz Makedoniyanın başkasabasında Üsküptä raametli oldu.

Allaa onu raamet etsin!
Mazlum HASAN (2)

PATRETTÄ: Mazlum HASAN (solda) hem TİKA Balkanlar hem Dou Evrupa Daire Başkanı Dr. Mahmut ÇEVİK Mustafa Kemal ATATÜRKün bobası “Ali Rıza Efendi Anı Evi” muzey kompleksı proektını aslıya çıkararkana.

BİR CUVAP YAZIN