Tum mesajlar Ana Sözü

f_6
Büük ayın (yanvar) 19-da Moldova Respublikasının futbol Federațiyası, “Şkolalarda fotbol” proektı çerçevesindä, baaşladı Kongaz küüyün Todur ZANET adına teoretik lițeyin 5 “a” maasuz futbol klasın üürencilerinä pek zengin sport ekipirovka komplektlarını. Bir ekipirovka komplektında var eni rükzak hem 13 türlü ruba: kış kurtkası, maykalar (kış hem yaz variantları), şapka, getralar, lüzgerliklä (vetrovkalar) h.t.b. Bundan kaarä uşaklara baaşlandı limitsiz internetlı fleşkalar hem çok kullanmaklı maskalar. Kongaz küüyün Todur ZANET adına teoretik lițeyin maasuz futbol klasın üürencilerinä soruldı onnarın bakışına görä aralarında en islää futbol oyuncusu hem intelektual uurunda en akıllı üürenciTAA DERINDÄN
yıldırım_haber_1
Büük ayın (yanvar) 20-dä Parlamentın Kararınnan Moldovada energetika uurunda Üstolan Durum kuruldu. Hep o günü Moldovanın Cümne saalıında Üstolan Durumu milli komisiyası açıkladı kendi kararını, angısına görä Cümne saalıında Üstolan Durum 2022-ci yılın Küçük ayın (fevral) ayın 22-dän uzadıldı. İki Üstolan Durum sebepleri da belli. Birisinin – bücettän hiç birinä sormadaan parayı kolay harcamaa. İkincisinin dä – ekonomikayı bitirip, insannarı deli etmää. Cümne saalıında Üstolan Durumlda zapaya görä: – İlaççılık hem saalıı doorutma kuruluşlara dolaşannarın girmesi zapa altında. – Kantinalar hem restorannar sade zallarırn 50% dolmasınnan işleyäbilirlär. – Düünnär, kumatriyalar,TAA DERINDÄN
covid_20.01.2022_
Büük Britaniyada açıkladılar, ani COVİDın “Omikron”u ştamını bir üşütmäk salgını uurunda sayêrlar, o üzerä bu devletä giriştä artık ona karşı vakiținațiya hem testlar istenilmeyecek. Moldova sa tersinä – COVİD “Omikron”un yayılma sebepinnän kırmızı kodlar koyuêr hem saalık uurunda üstolan durumu uzaldılêr. Büünkü gündä Moldovada hem Gagauziyada COVIDlan ilgili durumu Gagauziyada ulaşannarın sayısı – 10137: Çadır rayonu – 3249; Komrat rayonu – 5293; Valkaneş rayonu – 1595. Ulaşannarın arasında: adam kulluu – 160623 (ölän – 3573); karı kulluu – 230119 (ölän – 3886); aar kalan karılar – 1650.TAA DERINDÄN
iordan_gunu_kongaz

2022.01.19,Ana Sözü TARAFINDAN YAZILI, CÜMNE BOLUMU

Büün Ay İordan Günü bakılêr

Hristian kalendarinä görä, Büük ayın 19-da Kurtarıcı İisus Hristoz vatiz edilmiş İordan deresinin sularında. Vatiz etmiş onu prorok İoan Vatizedici. Bu klisä yortusunnan ilgili bu gündä kliselerdä büük slujbalar yapılêr, vatiz ediler hem ayazma okunêêr. Kurtarıcı İisus Hristoz vatiz gününä gagauzlar Ay Yordan, Yordan günü, Ayazma yada Vatiz günü deerlär. Sayılêr, ani Ay Yordanda (Büük ayın 19-da) hem Ay İvanda (Büük ayın 20-dä) okunan ayazma bir yıl bozulmêêr, faydalı kalêr hem ilaç erinä kullanılêr. Ayazma okuyarkan, açan popaz ayazma içinä kruçayı sokêr, klisä aulu içindä yada klisä eşiklerindä duran adamnarTAA DERINDÄN
erdogan_kompleksi (1)
Gagauziyada gagauz dilini genişlettirmää hem uşaklarımıza üüredicilik uurunda üüsek izmetlär vermäk için, 2015-ci yılda TİKA tarafından büük bir proekt başladıldı –  “Türkiye Prezidentı Recep Tayyip ERDOĞAN üüredicilik kompleksı”n yapılması. 2018-ci yılın Canavar ayın (oktäbri) 18-dä Türkiye Prezidentı Sayın Recep Tayyip ERDOĞAN Gagauziyaya pek önemni hem faydalı bir vizit yaptıı zaman, ozamankı Türk İşbirlii hem Koordinaţiya Agenstvosu (TİKA) Başkanı Serdar ÇAM tanıştırdı Türkiye Prezidentını Gagauziyada “Recep Tayyip ERDOĞAN üüredicilik kompleksı”n maketınnan, urgulayarak, ani “kompleksın proekt işleri tamamnandı. Bu üüredicilik kompleksı çok yıllar gençlerä izmet verecek hem gençlerin modern hem en islääTAA DERINDÄN
eminesku_milli_kultura (3)
Büük ayın (yanvar) 15-dä, büük romın poetın Mihai EMİNESKUnun duuma günündä Moldovada bakıldı “Milli kulturanın günü”, angısının çerçevesindä Kişinev “Mihai Eminescu” halklararası akademik Merkezindä, Akademik Mihai ÇİMPOYun (Mihai Cimpoi) Kişinev “Mihai Eminescu” halklararası akademik Merkezin başı Elena DABİJAnın modiratorluunda, yapıldı “Aazdan aaza geçeräk, benim adım asirercä ilerleyecek” (“Al meu nume o să-l poarte secolii din gură-n gură”) adlı büük bir sıra. Bu sıranın gündeliindä neredä vardı poetın byustuna çiçek koyulması, onun peetlerin okunması, türküleri çalınması, teatrulu kompozițiyaları, “O, üüsek gerçek…” adlı bilim simpozium hem eni çıkan hem taazä olan kiyatlarınTAA DERINDÄN
hey-hey (1)
Büün gagauzlarda başlêêr Yıl Başı yortuları hem sıraları: “Hêy-hêy” – Büük ayın 13-çü, “Rakıylan gezmäk” – Büük ayın 13-14 gecesi hem “Çıbık günü” (“Surva”) – Büük ayın 14-dü. Hepsimizi kutlêêrız bu gözäl yortularlan, psimizä saalık hem uzun ömür! ÇIBIK GÜNÜ, YIL BAŞI yada Eni yıl YORTULARI (şindi onnara deerlär sadä eni yıl yortuları) gagauzlarda en saygılı, sevilän hem şennikli yortular. Evel onnar üç gün bakılırmış hem onnara Yıl başı yourtuları deyärmişlär. Şindi bu yortular iki gündä biterlär. İleri bu günnerdä büük konuşlar yaparmışlar. Çıbık günü, Yıl başı yada Eni yılTAA DERINDÄN
Dinc_nastradin_1
Eni 2022-ci yıla karşı Türkiyenin SAYDA yayın enindä tipardan çıktı kiyat “NASTRADİN: Gagauz Kültüründe Nasreddin Hoca” kiyadı, angısını hazırladı gagauzları aarştıran hem gagauz folklorunu derindän bilän Türkiyenin Erzurum ATATÜRK Universitetin bilim adamı Abdulkerim DİNÇ. Nicä bildirer kiyadın “Ön sözü”ndä kiyadın avtoru Abdulkerim DİNÇ, bu 140 sayfalık çalışmada gagauzlarda Hoca NASTRADİN için fıkralar toplu Dionis TANASOGLUnun hazırladıı “Bucaktan Sesler” kiyadından – 22 fıkra, Nikaloy BABOGLUnun “Gagauz Folkloru” kiyadından – 17 fıkra, Azerbaycandan Güllü YOLOGLUnun “Gagoğuz Folkloru – Seçmeler” kiyadından – 62 fıkra, Todur ZANETin “Gagauzluk – Kultura, Ruh, Adetlär” kiyadından –TAA DERINDÄN
multik_serkan_kayalar
Türk İşbirlii hem Koordinațiya Agenstvosu (TİKA) Başkanı Serkan KAYALAR kendisinin twitindä bildirdi, ani TİKAnın Proektınnan dünnääyın 23 meltiinä gagauzça dubläj başarıldı hem gagauz uşaklarına baaşlandı. Bu gözäl hem pek lääzımnı Proekt yapıldı o üzerä, ani rus dili ortamında bulunan gagauz uşaklarını hem büüklerini dä gagauz dilinä yaklaştırmaa hem, multiklär meraklıınnan, ana dillerinä döndürmää. Maasuz “Ana Sözü” redakțiyamıza deyni TİKA Kişinev programaların Koordinatoru Selda ÖZDENOĞLU proekt için bölä bilgieri verdi: “Bu proektı Gagauziya Radio hem Televideniyası Cümne Kompaniyasının adından hazırladı Vera SİBOVA, angısı becerdi gözäl bir ekip toplamaa hem, içindä TürkiyeTAA DERINDÄN
kolada_2022 (7)
Gagauziya kultura Upravleniyasının çalışmalarınnan hem emirinnän, Kolada günündä Kolada hem “Çıbık günü” (“Surva”) adetlerimizi göstermäk için, Komrada Gagauziyanın küülerindän hem kasabalarından ansamblilär, teatrucular hem başka kultura insannarı getirildi. Gagauziyanın Başkannıı binasının önündä konuylan ilgili büük hem şen bir Kolada yortusu yapıldı, neredä milli rubalara giimni ansamblilär, teatrucular, uşaklar hem kultura insannarı, “Kolada” çalmaktan kaarä, halk oyunnarını oynadılar, Koladaylan hem “Çıbık günü”nän (“Surva”) adeterinnän baalı teatrulu gösterileri yaptılar, “survaklințlarlan”  surva gezdilär hem başka şenniklärlän sefa sürdülär. Belli ki, burada bulunan Gagauziya Başkanı, nicä düşer bir ev saabiykaya, hepsi bu insannara para,TAA DERINDÄN