avdarma_tenis_

19.02.2016, tarafından yazılı , CÜMNE, SPORT BÖLÜMÜ, 1337 KERÄ BAKILMIŞ

Avdarma küüyündä örtülü büük tenis kortu açıldı

Küçük ayın 13-dä Avdarma küüyündä açıldı örtülü büük tenis kortu, angısı dünnää stadartlarına uygun hem onnara görä yapılı. Bu kortun yapılması hem açılması gösterer nekadar büük paa verer küüyün primariyası hem “Avdarma” tenis klubun öndercileri uşak sportun ilerlemesinä.

Örtülü büük tenis kortu açılışında pay aldılar Gagauziya Başkanı İrina VLAH, Moldova tenis Federaţiyasının başı Marina TAUBER, Avdarma küüyün primarı İvan KASIM, “Avdarma” tenis klubun başı Elena KARAMİT, tenisçılar hem küülülär.

Nicä urguladı “Avdarma” tenis klubun başı Elena KARAMİT “şindi küüyümüzdä var kolayı uşaklar kuytuda tenis oynasınnar. Zerä uşaklar sportlan ilgilenärkana onnar lääzım kendi saalıını da korusunnar. Bunu da verecek kolayı o, ani büün bu örtülü kortu açêrız.”

Ofiţial açılış başarıldı onunnan, ani “Avdarma” tenis klubun sportçuları, musaafirlerin önündä, çiftlär tenis oyunu oynadılar.

BİR CUVAP YAZIN