avdarma_yaris_usak

24.09.2015, tarafından yazılı , SPORT BÖLÜMÜ, 1892 KERÄ BAKILMIŞ

“Avdarma Open Cup” turnirı sonuçları

Ceviz ayın (sentäbri) 11-13 günneri arası Avdarma küüyündä uşaklar arasında seftä halklararası büük tenis turnirı – “Avdarma Open Cup” – 2015 (“Avdarmanın Açık Kuboo”) oldu. Turnirda pay aldı 70 körpä tenisçi Moldovadan, Romıniyadan hem Ukraynadan.

Nicä açıkladı “Avdarma” tenis klubun başı Elena KARAMİT, uşaklar üç yaş boyuna görä yarıştılar: Red Court (Kırmızı kort), Orange Court (Turuncu kort), hem Green Court (Eşil kort). Yarışmalar ilk iki gün, elemä sistemasına görä, grupalarda oldular. Sora, üçüncü günü, yarıfinal hem final matçları geçti.

Turnirda ensedilär hem “Avdarma Open Cup” kuboklarınan Iphone 6 telefon baaşışlarını aldılar:

Red Court (Kırmızı kort) kategoriyasında – Liliya BELİBOVA (Kişinev);

Orange Court (Turuncu kort) kategoriyasında – Aleksandr MARİNOV (Avdarma);

Green Court (Eşil kort) kategoriyasında kızlarda – Yuliya GERMAN (Kişinev);

Green Court (Eşil kort) kategoriyasında çocuklarda – İlya KAZAK (Kişinev).
Nominaţiyada «Юное дарование» bir maasuz baaşış Samsung Galaxy S6 Edge telefonu verildi kişinevluykaya Elena ZABOLOTNAYAya, ani oynadı Orange Court (Turuncu kort) kategoriyasında.
Hep turnirın üçüncü günündä, Ukraynadan profesional tenisçılar Maks BAKUNİN hem İvan ANİKONOV oynadılar pek gözäl bir master-klas matçını. Hep gösteri matçını oynadılar 16 yaş kategoriyasında Ekaterina İVAŞKO hem Vlada MEDVEDKOVA da.

“Avdarma Open Cup” turnirın kapanışında pay aldılar hem kutlama nasaatlarını tuttular Gagauziya Başkanı İrina VLAH, Moldova tenis Federaţiyasının başı Marina TAUBER, “Avdarma” tenis klubun kurucularından birisi Vladimir SİMONENKO hem “Avdarma” tenis klubun başı Elena KARAMİT.

Not. “Avdarma Open Cup” turnirın sponsorları oldular küüyün meţenatları Kazmalı kardaşları.

Foto – avdarma.md

BİR CUVAP YAZIN