Karabah_cengi_kartasi

28.09.2020, tarafından yazılı , CÜMNE BÖLÜMÜ, 164 KERÄ BAKILMIŞ

Azerbaycan-Armeniya: çatışma cengä döndü

2020-ci yılın Orak ayın (iyül) 12-dä Azerbaycan-Armeniya granițasında Azerbaycanın Tovuz rayonunda başlayan silählı çatışma Ceviz ayın (sentäbri) 27-dä, keskinneşip, cenk durumuna geldi.

Azerbaycan korunma ministerlii bildirdi, ani bu saada kadar Azerbaycan silählı kuvetleri cenktä yaklaşık 550 armän askerini öldürmüşlär hem birkaç küüyü elä almışlar. Söz gider Armeniyanın tarafından zorlan alınan Azerbaycanın Bayırlı Karabah topraklarında bulunan küülär için.

Bundan kaarä bildiriler, ani Azerbaycan silählı kuvetleri yok etmişlär armännarın 22 tankını hem başka aar bronetehnikasını, 15 “OSA” ZRKasını (zenitno-raketnıy kompleks), 18 pilotsuz eraplanı, 8 arteleriya taanesini, 3 boepripas skladı.

Azerbaycan Prezidentın danışmanı Hikmet HACIYEV bildirdi, ani “cenk durumu” başlayacek Ceviz ayın (sentäbri) 28-dä saat 00:00-da hem geçerli olacek Baku, Gence, Sumqayıt, Yevlah, Mingeçevir, Naftalan bölgelerinnän Abşeron, Cebrail, Fuzuli, Beyleqan, Ağdam, Terter, Göygöl, Daşkesen, Gedebey, Tovuz, Şemkir, Qazah hem Ağstafa rayonnarında.

Moldovada Azerbaycanın Büükelçiliin açıklamasına görä, “Armeniyanın silählık kuvetlerini durgutmaa hem țivil insannarı korumaa deyni, Azerbaycan ordusunun komandirleri aldılar karar bütün frontta karşılıklı akıntı operațiyasını başlatmaa”.

Kendi tarafından Armeniya bütünnä mobilizațiyayı başlattı hem cenk durumunu bildirdi.

Karta: aa.com.tr

BİR CUVAP YAZIN