Hederlezin (may) 6-da Türkiye Başbakanı Binali YILDIRIM, Moldova Premyer-ministrusu Pavel FİLİPlan birliktä, Kişinevdakı Ana hem Uşak Saalıını aarştırma institutun reabilitaţiya Blokun enilenmesindän hem tertiplenmesindän sora, ofiţial açılışını yaptılar.
Bu Blokta enilenmä hem tertiplenmä Türkiye Respublikasının yardımınnan TİKA tarafından yapıldı. Şindi burada bir yılın içindä var nicä 15.000-16.000 uşak en üüsek uurda hem mediţinada eni tehnologiyalara görä ilaçlansınnar.
Açılışa katıldılar Türkiyedän delegaţiyasından başka insannar da. Onnarın arasında Türkiye Başbakan yardımcısı Tuğrul TÜRKEŞ, Ekonomika Bakanı Nihat ZEYBEKÇİ, AK Parti Genel Başkan yardımcısı Mehmed Mehdi EKRER, TİKA Başkanı Dr. Serdar ÇAM, Moldova Türkiye Büükelçisi Hulusi KILIÇ hem başkaları.
Bu proektın başarılması son yılda Moldovada saalık uurunda TİKA tarafından yapılan en önemni hem en paalı proektlardan birisidir.
