cumhurbaskani_erdogan_baskan_vlah

22.06.2016, tarafından yazılı , CÜMNE BÖLÜMÜ, 724 KERÄ BAKILMIŞ

Başkan İrina VLAH Türkiyedä

Türkiye dışişleri bakannıın buyurmasına görä Gagauziya Başkanı İrina VLAH bu günnerdä Türkiyedä bulundu. Vizit programasına görä Canabisi Kirez ayın 21-dä ayrı-ayırı Türkiye Prezidentınnan Recep Tayyip ERDOĞANnan, Türkiye Başbakanınnan Binali YILDIRIMnan hem Türkiye dışişleri Bakanınnan Mevlüt ÇAVUŞOĞLUylan buluştu.

Buluşmalarada Türkiye hem Gagauziya arasında ekonomika, cümne hem kultura soruşları incelendi.TİKA hem YTB yolunnan yapılan proektların ileri dooru da yapılması urgulandı.

Ayrıca Türkiye açıkladı, ani Çadır kasabasında sellerin zararlarını ortadan kaldırmaa deyni yardımcı olacek.

Karar alındı, ani Ankarada Gagauziyanın temsilcilii açılacek.

Urgulandı, ani Komratta Recep Taayyip ERDOĞAN üüredecilik merkezin düzülmesi ilerleyecek.

Bundan kaarä Gagauziyanın hem Türkiyenin Bursa kasabasının arasında işbirlii hem kardaşlık annaşması imzalanacek.

Ayırı buluşmaklar oldular Türk İşbirlii hem Koordinaţiya Agenstvosun (TİKA) Başkanı Serdar ÇAMlan hem Türkiyenin Yurtdışı Türklär hem Akraba Topluluklar Başkannı (YTB) Başkanı Kudret BÜLBÜLlän da.

BİR CUVAP YAZIN