irina_vlah_peet_Sputnik

16.03.2016, tarafından yazılı , KULTURA BÖLÜMÜ, 1737 KERÄ BAKILMIŞ

Başkan İrina VLAH Vatan için en sevdii peeti okudu

Moldovanın halklararası haber agenstvosunun hem radiosunun “Sputnik” poeziya proektında pay alıp, Gagauziya Başkanı İrina VLAH Vatan için en sevdii peeti okudu https://www.youtube.com/watch?v=7Uq60jIMZas – bu peet anılmış gagauz poetın Todur ZANETin peeti “Canım – Vatanım, Gagauziyam!”

Açıklayarak neçin bu peet en sevgili peeti oldu İrina VLAH dedi: “Bana deyni Todur ZANETın poeziyasında kaplı bütün dünneyi kucaklayan sevgi benim ana tarafıma – gözäl Gagauziyama, paalı halkıma”.

Gagauziya Başkanı sayêr bu poeziya proektınpaalılıını onda, ani o verer kolayını türlü milletlerdän hem çeşitli yaşlarda insannar bireleşsinnär dünneyin sonsuzluk paalılıkların dolayında.

“Sputnik” poeziya proektını başlattı Moldovanın halk artistı Konstantin MOSKOVİÇ. O okudu Grigore VİERUnun peetini “Graiul meu”. Sora proektı ilerlettilär Moldovada Slavän universitetın rektoru, filolog hem pedagogikada doktor Tatyana MLEÇKO hem “S ulițı Roz” Devlet gençlär dramteatrunun öndercisi, incäzanaatlarda maestro Yuriy HARMELİN.

Not. “Sputnik” poeziya proektın uuru – büük poetların yaratmalarınnan çok kertikli dünnedä insannarı birleştirmää.

BİR CUVAP YAZIN