komrat_usak_oyun_meydani

28.07.2015, tarafından yazılı , CÜMNE BÖLÜMÜ, 1332 KERÄ BAKILMIŞ

“Birlikte iyilik” cümnä Birlii sözündä durdu

Üç ay geeri “Birlikte iyilik” cümnä Birlii bildirdi, ani bu Birlik Komrat kasabasının DSU maalesindä uşak oyun meydancıını kuracek. Bu sözlär erinä getirildi.

Meydancıın açılışında pay alan “Birlikte iyilik” cümnä Birlii başı Ruslan GARBALI açıkladı, ani “uşak oyun meydancıını kurmaa deyni cümnä Birliinä danıştılar Komradın bu maalesindä yaşayan uşakların analar-bobaları. Onarlan birliktä biz hazırladık meydancıın shemasını hem bu iş için materialları hem kuvetleri topladık. Da te şindi Komradın S. Lazo sokaanda bulunan çok katlı evin aulunda bu oyun meydancıını açtık”.

Bu uşak oyun meydancıın açılışı taa Çiçek ayında lääzımdı olsun. Ama, “adetlerä” görä, bu iştä da türlü kösteklär peydalandı. En büük köstekti, ani Komrat primariyası izin vermärdi, meydancık açılsın deyni. Ama Orak ayında bu da çözüldü – primariyadan bu izin geldi.

Analar-bobalar çok savaştılar, ani oyun meydancıın açılışına aulu da tertiplemää: ekildi çiçeklär, klumbalar yapıldı, renkli skemnelär koyuldu.

İnsannar umut ederlär, ani bu iniţiativa kasabanın aulundan auluna geçecek da, “Birlikte iyilik” cümnä Birlii gibi kuruluşlarlan birliktä, kasabanın hepsi aulları gözelleşecek.

Anaktar sözlär :

BİR CUVAP YAZIN