RecepTayyipErdogan-Portre-02

17.10.2018, tarafından yazılı , CÜMNE BÖLÜMÜ, 363 KERÄ BAKILMIŞ

Bizä geler Türkiye Respublikasının Prezidentı Recep Tayyip ERDOĞAN

Canavar (oktäbri) ayın 17-18 günnerindä Türkiye Respublikasının 12-ci Prezidentı Sayın Recep Tayyip ERDOĞAN iki günnük ofiţial vizitlan Moldovada bulunacek. Vizit programasında var Canabisinin Gagauziyaya gelişi da.

Recep Tayyip ERDOĞAN duudu 1954-cü yılın Küçük ayn (fevral) 26-da İstanbul kasabasında. 1965-ci yılda İstanbulun “Kasımpaşa Piyale İlkokulu”nu başarıp, 1973-cü yılda İstanbulun “İmam Hatip” liţeyini bitirdi hem, ayırı urokların ekzamennerini vereräk, “Eyüp” liţeyindän da atestat aldı. 1981-ci yılda İstanbulun “Marmara Üniversitetı”n  Ekonomika hem alış-veriş fakultetını başardı.

Kendisini taa studentlik vakıtlarından politikaya attı. 1994-cü yılın Baba Marta ayın (mart) 27-dä İstanbul Büyükşehir Belediye Başkanı (baş primarı) seçildi. Ama 1997-ci yılın Kırım ayın (dekabri) 12-dä Türkiyenin Siit kasabasında insanın önündä, Türkiye üüredicilik ministerlii tarafından tiparlanan kiyattan bir peeti okuduu için, Belediye Başkannıından alındı, da 4 aya kapana atıldı.

2001-ci yılın Harman ayın (avgust) 14-dä, kafadarlarınnan birliktä, Adalet hem Kalkınma Partiyasını (AK Parti) kurdu, da AK Partiyanın Kurucu Genel Başkanı seçildi. Türkiyenin 2002-ci yılın Parlament seçimnerindä AK Parti 363 deputat eri kazandı, da tek başına kuvedä geçti.

2003-cü yılın Baba Marta ayın 15-dän 2014-cü yılın Harman ayın (avgust) 10-dan Recep Tayyip ERDOĞAN Türkiye Respublikasının Başbakanı oldu.

2014-cü yılın Harman ayın 10-da, halkın doorudan oylarınnan, Recep Tayyip ERDOĞAN Türkiye Respublikasının 12-ci Prezidentı seçildi.

2017-ci yılın Çiçek ayın (aprel) 16-da Türkiyedä halk oylamasında Türkiye Konstituțiyasına diişiklik yapıldı, ki Prezident partiya liderı da olabilir da buna görä 2017-ci yılın Hederlez ayın (may) 21-dä Recep Tayyip ERDOĞAN AK Partiyanın Kurucu Genel Başkanı seçildi.

2018-ci yılın Kirez ayın (iyün) 24-dä Türkiye Prezidentı seçildi hem, Prezidentlik Hükümet Sistemasının ilk Prezidentı olarak, 2018-ci yılın Orak ayın (iyül) 9-da emim ederäk zaametinä başladı.

Recep Tayyip ERDOĞAN evli hem 4 uşak bobasıdır.

BİR CUVAP YAZIN