fistannar_Cadir (12)

16.02.2017, tarafından yazılı , CÜMNE, KULTURA, KULTURA ÖMÜRÜ BÖLÜMÜ, 320 KERÄ BAKILMIŞ

“Bucak gergefi” için şükür sizä, Lidiya TODİEVA!

Çadır kasabasının Uşakların yaratmak Merkezindä oldu bir kapalı denemä– evelki gagauz karı rubalarının gösterisi “Bucak gergefi”. Bu ruba koleţiyayısını hazırladı Lidiya İvanovna TODİEVA, bu Merkezin modalar Teatrusunun öndercisi.
fistannar_Cadirfistannar_Cadir (3)

Lidiya TODİEVA çoktan meraklanêr gagauz milli rubalarınnan. Ama bu rubaları hazırlamaa deyni, Canabisi karar almış onun malisinin gagauz milli rubaları için annatmaklarından sora.

Büünkü gündä artık hazır 15 komplekt ruba: fistannar, koftalar, fıtalar, jeletkalar. Belliki, temel olarak, bu rubalar için alınmış eski rubaların örnekleri, ama Lidiya TODİEVA o örneklerä kendi fikirlerini hem can sıcaklıını koymuş. Onuştan herbir rubanın başka rengi hem biçimi var.
fistannar_Cadir (4)

Lääzım urgulamaa, ani Lidiya TODİEVA bu koleţiyayı hazırlamaa deyni bütün harçları kendi kesesindän yaptı.

Kolekţiya pek gözäl! Onu insan arasına çıkarmaa ayıp olmayacek. Bakêrsın bu kırnak işä hem bu kıvrak kızlara, da ürään seviner. Bu gözelik için hem bu “Bucak gergefi” için şükür sizä, Lidiya TODİEVA!

Praskovya BOSTANCI

Fotolar – gagauz.md

BİR CUVAP YAZIN