bucak_sesleri_2

18.07.2018, tarafından yazılı , CÜMNE, KULTURA, KULTURA ÖMÜRÜ, TÜRKÜCÜLÄR BÖLÜMÜ, 528 KERÄ BAKILMIŞ

“Bucak sesleri – 2018” konkursunda ödüllär kardaş payı yapıldı

2018-ci yılın Orak ayın 11-12 günnerindä Gagauziyada altıncılaa geçeti “Bucak sesleri – 2018” etnoestrada muzıkasının halklararası konkursu. Konkursun açılışı hem 1-ci basamaa Kazayak küüyündä oldu, finalı hem kapanışı da Caltay küüyündä geçti.
bucak_sesleri_

Konkursun jürisinin kararına görä “Bucak sesleri” konkursta 1-ci er, Gran-pri ödülü hem 1000 (bir bin) amerika doları baaşışı verildi Pridnestrvyedan (Moldova) “A-3” triosuna.

Kalan erlerdä kardaş payı yapıldı:

 2-ci er verildi Yulä ARNAUTa (Gagauziya), Aleksey ŞEVÇUKa (Belorusiya) hem Maya BALAŞOVAya (Rusiya);

3-cü er verildi Desislava ARNAUDOVAya (Bulgariya), Alper KIRAÇa (Türkiye) hem Narkence SERİKBAEVAya (Kazahstan).

Hepsi konkursantlara verildi Diplomalar hem baaşışlar Caltay primariyasından hem Gagauziya kultura hem turizma Upravleniyasının adından. Ayırıca Yulä ARNAUTa hem Natali DENİZä (Ukraynadan jüri azasına) verildi beş günä Bulgariyada dinnenmäk putövkası.

“Bucak sesleri” konkursun dışında insannara deyni sțenadan çaldılar türkücülär Evgeniy ANDRİANOV, Natali DENİZ, Vitaliy MANCUL, Mişel, Valentin ORMANCI, Petr PETKOVİÇ, Polina STEFOGLU.bucak_sesleri_1

 Konkursta pay aldılar 12 erdän 15 türkücü hem türkücüyka.

 

BİR CUVAP YAZIN