nesimi (7)

05.12.2019, tarafından yazılı , CÜMNE, KULTURA, KULTURA ÖMÜRÜ BÖLÜMÜ, 1170 KERÄ BAKILMIŞ

Büük azeri poetın İmadeddin NESİMİ 650-ci yıldönümünä

Kırım ayın (dekabri) 5-dä Moldovanın Milli bibliotekasında oldu büük bir kultura sırası “İmadeddin NESİMİ dünnää dillerindä”, ani adanmıştı Azerbaycanın büük poetının İmadeddin NESİMİnin 650-ci yıldönümünä. Bu sırayı ortak hazırladılar Moldovanın Milli bibliotekası, Moldovanın üüredicilik, kultura hem aaraştırma Ministerlii, Moldovada Azerbaycan hem Türkiye Büükelçilikleri, Türkiye TÜRKSOY kuruluşu hem Moldovada azerbaycannılar Kongresi.

Bu büük kultura sırasını açtı Azerbaycan Büükelçiliin zaametçisi Leyla ORUJEVA. Sora yortulu sırada bulunannarın önündä nasaat ettilär Moldovanın Milli bibliotekasının direktoru Elena PİNTİLEİ, TÜRKSOY Genel sekretar yardımcısı Doç. Dr. Bilal ÇAKICI, TÜRKSOYda Azerbaycan temsilcisi, sekretar Elçin GAFARLI, Azerbaycan Bilimnär akademiyasının el yazıları İnstitutun direktoru Akademik Teymur KERİMLİ, Azerbaycan Yazıcılar Birliin çevirici bölümün başı, yazıcı Salim BABULLAOGLU, Ukraynadan romın yazıcısı İlie T. ZEGRE.

Ayırıca kutlama lafları söledilär Moldovada Rusiya Büükelçisi Oleg VASNEȚOV, Çehiya Büükelçisi Zdenek KREYÇİ (Zdeněk Krejčí) hem Bulgariya Büükelçisi Evgeniy Stefanov STOYÇEV.

Kultura sırasında oldu prezentațiya “İmadeddin NESİMİ dünnää dillerindä” kiyadına, angısını, maasuz bu yubiley için, hazırladı hem tiparladı TÜRKSOY.

Not. Büük azerbaycannı poet Seid İmadeddin NESİMİ (1369-1417) duudu ya Camah, yada Kemah kasabasında. Yazardı gazel, rubai hem tuyug kaluplarında peet. Yaratmak dili oguzça (azerbaycanca), arabça hem persça. Yazdı 20 bin peetän zeedä. Onnarın 15 bini oguzça (azerbaycanca).
nesimi (2)

Anaktar sözlär : ,

BİR CUVAP YAZIN