breksit_1

23.01.2020, tarafından yazılı , CÜMNE BÖLÜMÜ, 81 KERÄ BAKILMIŞ

Büük Britaniyanın Evropa Birliindän kesin çıkêr

Büük Britaniyanın korolevası II-ci Elizaveta imzaldı Britaniyanın 2020 yılın Büük ayın (yanvarın) 31-dä Evropa Birliindän çıkmasınnan ilgili Zakon için Kararı.

Bu zakonu hazırladı Büük Britaniyanın Premyer-ministrusu Boris JOHNSON. Hem Britaniyanın iki palatası da bu Kararı 2020 yılın Büük ayın (yanvarın) 22-dä kablettilär.

Şindi, 2020 yılın Büük ayın (yanvarın) 24-dä, bu dokumenti lääzım imzalasınnar Evropa Sovetinin hem Evropa Komisiyasının başları.

Britaniya Evropa Birliindän taa 2019-cu yılda çıkaceydı, ama ozaman bu devletin parlament hem pravitelstvo arasında annaşma bulunmadı.

Ayrıca Büük Britaniyaya girän Şotlandiya, Poyraz İrlandiya hem Uels devletleri Evropa Birliindän çıkmaya karşı çıktılar hem teklif ettilär Büük Britaniyanın korolevası II-ci Elizaveta bu dokumenti imzalamasın.

BİR CUVAP YAZIN