Aydarbek_Sarmanbetorv

14.02.2019, tarafından yazılı , CÜMNE, KİŞİLÄR, LİTERATURA, LİTERATURA ÖMÜRÜ BÖLÜMÜ, 3981 KERÄ BAKILMIŞ

Büük yazıcıya Aydarbek SARMANBETOVa Büük Ödül

Kırgızıstanda geldi sevindirici bir haber – Ortak türk kulturasına büük katkıları hem türk halkların literaturalarını yakınnaştırmak çalışmaları için «Турк дуйнөсунун Адабияты» (“Türk dünnäsının literaturası”) jurnalın baş redaktoru, “Avrasya” yazıcılar Birliin azası, Halklararası “Mahmut Kaşgarlı” literatura premiyasının laureatı, Kırgıstan halkına, başka türk literaturasınnan bilä, gagauzları açan hem annadan anılmış yazıcıya Aydarbek SARMANBETOVa verildi Azerbaycanın Halklararası Mahmut Kaşgarlı Fondunun “Mahmut Kaşgarlı adına Halklararası literatura premiyasını”.
Kasgarlı_medal

Azerbaycanın Halklararası Mahmut Kaşgarlı Fondunu 2006-cı yılda kurdular Azerbaycan Yazıcılar Birliin başı Anar RZAEV hem yazıcı Elhan Zal KARAHANLI. Kuruluşun ana uuru – Evraziyalıın hem Türk birliinin propagandası.

Büünkü günädän bu Fondun ödülünü kabledennerin arasında var: Süleyman DEMİREL (Türkiyenin 9-cu prezidentı), poet Olcaz SULEYMENOV (Kazhstan), Çingiz ABDULLAEV (Azerbaycan), akademik Magel MAGERRAMOV (Baku devlet universitetın rektoru), Prof. Namık Kemal ZEYBEK (Türkiye), Prof. İlham RAGİMOV (Rusiya), yazıcı Sabit DOSANOV (Kazahstan), Aleksandr DUGİN (Rusiya), Ulugbak YESDAULET (Kazahstan) hem başkaları.

BİR CUVAP YAZIN