BURGUCU_tribunada

19.08.2014, tarafından yazılı , CÜMNE, GAGAUZ AVTONOMİYASININ İSTORİYASI, İSTORİYA BÖLÜMÜ, 2126 KERÄ BAKILMIŞ

Büün Gagauz Respublikasının 24-cü yılı

24 yıl geeri, 1990-cı yılın Harman ayın (avgust) 19-da, Gagauz Halkın Üstolan Kongresinä ayırılan 450 deputat baamsız Gagauz Respublikasının kurulmaa deyni karar aldılar da Gagauz Respublikasının kurulmasını dünneyä bildirildilär.

Gagauz Respublikasının kurulması halklar arası kanonnara görä kuruldu.

Gagauz Halkın Üstolan Kongresinä ayırılan deputatlar ilktän 1990-cı yılın Orak ayın (iyül) 22-dä 411 oylan Gagauz Milli Gimnasını (laflar – Todur ZANET, muzıka – Mihail KOLSA), Gagauz Milli Bayraanı hem Gerbı kablettilär, sora da Harman ayın (avgust) 19-da aldılar Karar baamsız Gagauz Respublikasını kurmaa.

Bundan sora da, Canavar ayında, Gagauz Respublikasının prezidentının hem Üüsek Sovetinin deputatlarının seçilmesi oldu.

Gagauz Respublikasının ilk hem tek prezidentı Stepan TOPAL yırıldı. Üüsek Sovetin predsedateli da Mihail KENDİGELÄN koyuldu.

Not. Gagauz Respublikasının 24-cü yıldönümü kutlamasının programasında var Komrat kultura Evindä yortulu toplantı hem konţert. Küülerdä hem kasabalarda sport yarışmaları, konţertlär hem başka şenniklär.

PATRETTÄ: Tribunadan nasaat eder İvan BURGUCU (foto Todur ZANETin arhivından).

Anaktar sözlär :

BİR CUVAP YAZIN