Kasımın 15-dä Moldova Respublikasında Prezident seçimnerinin II-ci turu geçer. Onda seçimcilär lääzım iki kandidattan, Maya SANDUdan hem İgor DODONdan birisini ayırsınnar.
Moldova Prezidentı seçimnerinin I-ci turu oldu Kasımın 1-dä. Orada 8 kandidattan biricii 50%+1 oy almadıı için, Moldova Seçim Komisiyası (MSK) seçimnerinin II-ci turunu iki afta sora yapmaa karar aldı.
Moldova zakonnarına görä, II-ci tura nekadar da seçimci katılmasa – tur olmuş sayılêr. Seçimneri tarayacek o kandidat, angısı taa çok oy alacek.