resimci_simpoziumu

07.08.2019, tarafından yazılı , CÜMNE, İNCÄZANAAT, KULTURA, RESİMCİLİK BÖLÜMÜ, 691 KERÄ BAKILMIŞ

Çadırda açıldı halklararası resimcilär simpoziumu

Harman ayın (avgust) 5-dä Gagauziyanın Çadır kasabasının rayon administrațiya binasında açıldı 10 günnük sıradakı halklararası resimcilär simpoziumu – «Грани искусства». Simpoziumu hazırladı Gagauziyanın kultura hem turizma Upravleniyası hem ona katkıda bulundular Çadır kasabasının rayon administrațiyası, Çadır kasabasının primariyası hem “Gagauz-Art” Cümne Birlii.

Simpoziumun açılışında katılannara nasaatlarlan danıştılar Çadır kasabasının rayon administrațiya başı Valentin KARA, Çadır kasabasının primarı, Anatoliy TOPAL, Gagauziya kultura hem turizma Upravleniyasının geçici başı Marina SEMENOVA hem başkaları.

Sıradakı «Грани искусства» halklararası resimcilär simpoziumunda erindeki (Moldova, Gagauziya, Pridnestrovye) resimcilerdän kaarä pay alêrlar resimcilär Azerbaycandan, Başkortostandan (RF), Kirgiziyadan, Türkiyedän hem Ukraynadan.

Sonunda herbir resimci simpoziumda yapılan resimnerdän ikişär resimini Gagauziyanın Regional resim galereyasına baaşlayaceklar.

BİR CUVAP YAZIN