moskov

25.10.2019, tarafından yazılı , CÜMNE BÖLÜMÜ, 971 KERÄ BAKILMIŞ

Çadırda Valentin MOŞKOVa byustu koyuldu

Çadır kasabasının sovetniklerinin Karar görä çadırdakı “Valentin MOŞKOV” teoretik lițeyin ana sokaa çıkan tarafında gagauzları aaraştıran büük bilim adamına Valentin Aleksandroviç MOŞKOVun byustu koyuldu.

Gagauziyada Aleksandroviç MOŞKOVa pamätnik koymaa deyni çok yıllar sıravardı gagauz aydınnadıcıları, bilim hem cümne insannarı ortaya koyardılar. Da te şindi, çadırdan Nikolay TUKANın zaametlerinnän hem cümnenin yardımınnan bu iş aslıya çıktı.

Valentin MOŞKOVa byust erinä koyuldu, ama bildiriler ki onun ofițial açılışı taa sora olacek.

Not. Valentin Aleksandroviç MOŞKOV (26.03 (eniycä 06.04) 1852 – 19.11.1922) – dünnää uurunda büük rus bilim adamı, etnograf, folklorcu, İmperatorluk Rus geografiya cümnesinin aza-nasaatçısı, Kazan universitetın arhiologiya, istoriya hem etnografiya cümnesinin kordinatoru. General-leytenant. Gagauzların istoriyasının hem kulturasını aaraştıran bilimcilerin ilk sıralarında bulunêr.
Valentin_Moshkov
Moshkov_V

PATRETLERDÄ: Valentin MOŞKOVa byustu erinä erleştiriler.

Genç V. MOŞKOV.

V.Moşkov aylesinnän.

Kaynak: ru.wikipedia.org

BİR CUVAP YAZIN