cardidaki

09.06.2013, tarafından yazılı , SPORT BÖLÜMÜ, 1495 KERÄ BAKILMIŞ

Çadırdakı “Sakura” sport klubun komandası üçüncü

Çadırdakı “Sakura” sport klubun karatêcıları Ukraynanın Oçakov kasabasından turnirlardan 6 altın, gümüş hem bronza medali getirdilär.

Kirez ayın (iyün) ayın 1-2 günnerindä Ukraynanın Oçakov kasabasında karatê düüşündä uşaklar arasında iki turnir oldu: Nikolaev dolayının “Aleksandr Suvorovun Kuboo” adlı açık çempionatı hem “Mayskiyin Kuboo” turnirı. Burada pay aldı 22 komanda. Onnarın arasında vardı Gagauziyanın Çadır kasabasından “Sakura” sport klubun karatêcıları da.

Komandanın trenerı Oleg ÇEBOTAR bidirdi, ani turnirlerdä 300 kişiya yakın sportsmennarın arasında çadırlılar irmidän zeedä düüştä pay aldılar. 1-ci eri kazandı Dimitriy PAMUCAK; 2-ci erleri – Denis VATAMAN, Nikolay TOPÇU hem Elena JELEZOGLU; 3-cü erleri – Maksim PİLİPENKO hem Elvira LAZAREVA. Bu verdi kolayını “Sakura” sport klubun komandası 3-cü eri alsın.

Bundan kaarä “Sakura” sportsmennarına İlya RUSEVa hem İvan PAVLÜKa verildi kuboklar hem diplomnar kategoriyada “Ensemäk istemäk için”.

Unudulmadı taraftarlar da, Mihail VATAMANın bobasına, aktiv taraftar olduu için, özel diplom verildi.

BİR CUVAP YAZIN