caltay_cakir (1)

02.05.2019, tarafından yazılı , CÜMNE BÖLÜMÜ, 813 KERÄ BAKILMIŞ

Caltay gimnaziyasında Mihail ÇAKİRi andılar

Çiçek ayın 12-dä Caltay gimnaziyasında gecti bir yortulu sıra “Gagauz kulturası Mihail ÇAKİRin yardımınnan kalkındı”. Hazırladı bu meraklı sırayı Caltay gimnaziyanın iştä hem ustalıkta uuredicisi Evdokiya Petrovna PETKOVİÇ.

Yortulu sırada pay aldılar küçük hem büük boylarda usaklar. Uşaklar annattılar ÇAKİRlerin yasaması hem yaptıkları için, okudular demekli peetlär. Duygulu türkülärlän açıkladılar ÇAKİRlerin zeetleri için, onnarın  Dunnääya gitmekleri için, laapların diistirmäk için hem cok baska islär.

Büük sevinmäklän üürencilär annattılar Ayozlu Bobanın Evangeliyayı gagauzçaya çevirtmesi için.

Altı türkü çalındı onnarın adına hem bizim sevgili Bucak topraamız için. Türkünün birisini, angısının adı “Bizim Bucaamız” yazdı Evdokiya Petrovna PETKOVİÇ.

“Bizim Bucaamız”

1. Bizim Bucaamız pek küçük bir toprak
Yasêêrlar burda çalımnı insannar.
Gagauzlar pek çalıskan insannar
Gecä-gündüz hiç dinmezlär ayaktan.

2. Bizim dedelär çok zorlar çektilär
Büük neetlän bizä bu  topraa braktılar
Onnarı biz hiç utandırmıycez,
Topraa kelemeyä biz brakmıycez.

3. Yabancı erlerdän geeri gelecez
Gäzäl çiçeklär Bucakta çalışsın
Toplu hepsimiz biz burada duva edecez.

4.Dünnäädä bizim büük hodulluumuz var
Yaşadı burada eveldän Çakirlär
Paalı adamnar bizim aramızda
Annaycez onnarı yasamamızda.

5. Cakirlär duvaya kuvet koydular
Cok gecelar onnar uyumadılar
Sevgi bizä onnar sımarladılar
Gagauzlara ii örnek  braktılar.

Yortulu sırada üürencilär oynadılar bir “Bulusmak” adlı sțenka, neredä gösterdilär nicä evelki vakıtlarda uşaklar is arasında analarına-bobalarına çok islär sorarmışlar. Sțenkaylan onnar istedilär göstermää gagauzların evelki adetlerin geçmeklerini.

Tatyana Georgievna MARKOVA, Caltay gimnaziyasının bibliotekacıykası

BİR CUVAP YAZIN