mikrifo

25.07.2016, tarafından yazılı , CÜMNE BÖLÜMÜ, 1272 KERÄ BAKILMIŞ

“Can Dalgasında” I-ci gagauz estrada yarışması başlêêr

Gagauziya kultura hem turizma Upravleniyası, gagauz estradasını genişletmää deyni hem genç talantlara sţenaya yolu açmaa deyni, eni bir konkurs kurdu – “Can Dalgasında” I-ci gagauz estrada yarışması, angısında var nicä pay alsınnar 18-35 yaş arasında olan türkücülär.

Gagauziya Başkanı İrina VLAH , bu yarışmaya arka olarak, açıkladı, ani “şindän sora halklararası estrada konkurslarına Gagauziyadan yollanacek o türkücülär, kim “Can Dalgasında” estrada yarışmasında kendisini başarılı gösterecek”.

“Can Dalgasında” estrada konkursunda iki basamak olacek: I-si Orak ayın (iyül) 27-dä, II-si da ya Ceviz ayında (sentäbri) yada Canavar ayında (oktäbri).

Konkursa katılannar I-ci turda lääzım olacek çalsınnar bir türkü yabancı dildä, II-ci turda sa – gagauz dilindä mutlaka eni bir türkü.

“Can Dalgasında” I-ci gagauz estrada yarışmasında enseyän türkücü bu yıl Gagauziyadan “Türkvizion-2016” türkü yarışmasında pay alacek.

Neettä var “Can Dalgasında” I-ci gagauz estrada yarışmasından sora burada ötän türkülärlän bir CD çıkarmaa, bildirer Gagauziya kultura hem turizma Upravleniyası.

BİR CUVAP YAZIN