kirilitsaya_donus

16.04.2016, tarafından yazılı , CÜMNE, POLİTİKA BÖLÜMÜ, 1546 KERÄ BAKILMIŞ

ÇANNARI DÜVELİM: Öndercilär susaraktan LATİNİŢAdan KİRİLİŢAya dönerlär

Ani bitki vakıtlar Gagauziyada gagauz dilinnän fasıl işlär olêrlar sadä haylazlar esap almêêrlar. O fasıl işlerin arasında – gagauz dilin giyiminnän, LATİNİŢAylan, cenk etmäk ta.

Yavaş-yavaş Gagauziya presasında, öndercilerin hem onnara izmet edän kişilerin arasında başladı sızmaa fikirlär, anigagauz dili için islää olacek latiniţadan kiriliţaya geçmää”.

Bän sanardım, ani bu iş – şaka iş. Ama açan kuvetlerin izmetçileri bu işi açıktan yapmaa başladılar sıra geldi genä çannarı düvelim.

En büük hem taazä örnek buna – Tatarstanda gagauz literaturasının sergisinin yazısı. Bu sergiyi Gagauziyanın OFİŢİAL DELEGAŢİYASI hazırladı. Demeli ki bu Gagauziya öndercilerin OFİŢİAL BAKIŞI bizim alfavitımıza. Diil sa, ozaman onnardan konuylan ilgili OFİŢİAL AÇIKLAMA bekleriz.

Akademik Todur ZANET, Gagauz Milli Gimnanın avtoru

BİR CUVAP YAZIN