SPORT BOLUMU

Saksan_1

2015.07.02,Ana Sözü TARAFINDAN YAZILI, SPORT BOLUMU

“Saksan” – “Apollon” – 0-2 bitti

Orak ayın 2-dä UEFA-2014/2015 Evropa Ligasının 1-ci turunda “Saksan” (Moldova, Gagauz Yeri) – “Apollon” (Kipr) – 0-2 bitti. Orak ayın (iyül) 9-da ikinci matç Kiprada olacek.TAA DERINDÄN
Petr_Yanulov

2015.07.01,Ana Sözü TARAFINDAN YAZILI, SPORT BOLUMU

Pötr YANULOVa para baaşışları verilecek

I-ci Evropa oyunnarın gümüş medalisinin saabisini, gagauz serbest güreşçisini Pötr YANULOVu Gagauziya kutlayacek. Gagauziya İspolkomun kararına görä, I-ci Evropa oyunnarında gümüş medaliyi alması için, Pötr YANULOVa 40 bin ley baaşış verilecek. Baaşışı vermää deyni anılmış güreşçiyi Başkannık binasına buyur edeceklär. Not. Taa ileri Moldova Pravitelstvosu da baaşış için Pötr YANULOVa 50 bin ley vermää karar aldı.TAA DERINDÄN
top

2015.06.23,Ana Sözü TARAFINDAN YAZILI, SPORT BOLUMU

“Saksan” UEFA-2014/2015 Evropa Ligasında oynayacek

Futbol sezonu bittiktän sora, Tiraspol kasabasının “Tiraspol” futbol komandası kapandı. Bu sebeplän Moldovanın çempionatında 5-ci eri alan Gagauziyadan Çadır kasabasından “Saksan” futbol komandası UEFA-2014/2015 Evropa Ligasında oynayacek. UEFA ştab-kvartirasında (Nyon kasabası, Şveyţariya) yapılan çetileyä görä UEFA-2014/2015 Evropa Ligasının ilk turunda bizim futbolcular oynayaceklar Kipradan “Apollon” komandasınnan. Evdä – Orak ayın (iyül) 2-dä, musaafirliktä – Orak ayın (iyül) 9-da.TAA DERINDÄN
yanulov_petri

2015.06.18,Ana Sözü TARAFINDAN YAZILI, SPORT BOLUMU

Pötr YANULOV I-ci Evropa oyunnarında gümüş medaliyi aldı

I-ci Evropa oyunnarın serbest güreşin 86 kg kategoriyasında Moldova komandasının gagauz güreşçisi Pötr YANULOV gümüş medaliyi kazandı. Pötr YANULOV Kirez ayın (iyün) 18-dä finalda tarattı Rusiyanın güreşçisinä Abdulraşid SADULAEVa. Final yolunda Pötr YANULOV ilktän 3:1 ensedi Wille HEİNOyu (Finländiya), sora 3:0 Aleksanrd HUŞTİNı (Belarusiya), ¼ finalda 3:1 ensedi İştvan VEREBı (Vengriya), ½ finalda da 3:1 Sandro AMİNAŞVİLİyi (Gruziya).TAA DERINDÄN
Logo_Tree

2015.06.13,Ana Sözü TARAFINDAN YAZILI, SPORT BOLUMU

I-ci Evropa oyunnarı Bakuda geçer

Kirez ayın (iyün) 12-28 günneri arasında Azerbaycan Respublikasının baş kasabasında Bakuda geçerlär I-ci Evropa oyunnarı. Evropa Olimpiadası oyunnarını yapmaa deyni karar aldı halklararası olimpiada kuruluşu, angısı birleştirdi Evropanın 49 milli olimpiada komitetlarını. Oyunnarın açılışı oldu Bakunun olimpiada stadionunda, angısını maasuz bu oyunnar için düzdülär. Açılışta pay aldılar Evropa devletlerin prezidentları, olimpiada komitetların azalar sportsmennar hem 70 bin siiredici. Evropa oyunnarında pay alêrlar 49 devlettän 6200 sportsmen. Onnarın arasında Moldovadan 85 kişilik komandası da var. Moldovadan güreşçilerin arasında var gagauz serbest güreşçileri da: Pötr YANULOV (84 kg), Evgeniy NEDÄLKO (74 kg)TAA DERINDÄN
Konstantin_Barladean

2015.05.20,Ana Sözü TARAFINDAN YAZILI, SPORT BOLUMU

Gagauziyadan Konstantin BARLADÄNU dünnää çempionu!

Hederlez ayın 15-16 günnerindä Rusiyanın Sankt-Peterburg kasabasında oldu WAA armlifting yarışmalarında V-ci dünnä çempionatı. Burada Gagauziyadan Konstantin BARLADÄNU 70 kg kategoriyasında gençlär arasında dünnä çempionu oldu. Nicä açıkladı kendisi eni çempion: “Sankt-Peterburga gitmää param yoktu. Herliim Gagauziyadan “Birlikte iyilik” cümne Birliin hem onun başı Ruslan GARBALI yardımcı olmaydılar, bän bu çempionata gidämeyceydim. Saa olsunnar. Benim altın medalim – onnarın da, bütün Gagauziyanın da, altın medalisi”. “Birlikte iyilik” cümne Birlii bildirdi, ani bu yaz vakıdı Gagauziyada gençlär için armreslingta birkaç yarışma yapmaa neetleri var. Bu yarışmaların uuru: gençleri saalıklı yaşamaya hemTAA DERINDÄN
ataturk_sahmati

2015.05.20,Vasilisa TANASOGLU TARAFINDAN YAZILI, SPORT BOLUMU

ATATÜRKü anma Gününä şahmata turniri

Her yılın Hederlez ayın 19-da Komrat “Atatürk” adına bibliotekanın salonu insannan dolêr. İnsannar burayı toplanêrlar Türkiye Respublikasının iki yortusunu kutlamaa deyni – “Gençlik hem sport” yortusunu hem “ATATÜRKün anma Gününü”. Kutlamaya katılêrlar insannar türlü yaşta: studentlär, büük yaşta insannar, şkola üürencileri. Bu yıl şkolalardan 1-3 klastan uşaklar geldi. İlktän bibliotekamızın o günkü musaafirlerinä Mustafa Kemal ATATÜRKün, Türkiyenin kurucusunun, yaşamasını hem biografiyasını annatık. Kutlamaların ikinci payında da uşaklara deyni şahmata yaraşması yapıldı, angısını geçırdi şahmatada trener Andrey ÇEŞMECİ. Katılannar büük havezlän giriştilär yarışmaya. Makar ki onnar küçük yaşta, ama şahmata oyunundaTAA DERINDÄN
avdarma-tennis-turkey

2015.05.19,Ana Sözü TARAFINDAN YAZILI, SPORT BOLUMU

Gagauz tenisçıları Türkiyedä kendilerini pek islää gösterdilär

Türkiyenin halklar arası “Çocuk şennii” yortusuna baaşlanan “23 Nisan Kuboo” 11-ci Halklar arası tenis turnirindä Gagauziyanın Avdarma küüyündä tenisçıları kendilerini pek islää gösterdilär. Avdarmalılar aldılar bir 1-ci er (Aleksandr MARİNOV), bir 2-ci er (Vladimir KAZMALI) hem bir 5-ci er (İgor GARGALIK). Bu turnirda pay aldı 15 komanda. Onnarın arasında 6 komanda Türkiyedän, kalanı da başka türk devletlerindän. Gagauziyayı burada gösterdilär Avdarma küüyündän uşaklar: Aleksandr MARİNOV, Vladimir KAZMALI, İgor GARGALIK, İrina KARAMİT, Egor KARAMİT, Nikolay BARLADÄN. Turnirlara uşakları hazırlêêrlar trenerlar Grigoriy GRAMATİN hem Maksim EROŞKİN. Foto – avdarma.mdTAA DERINDÄN
dudoglu_nina

2015.05.04,Ana Sözü TARAFINDAN YAZILI, SPORT BOLUMU

Nina DUDOGLU hem Väçeslav NAGAYLIK çempion oldular

Çiçek (aprel) ayın 25-26 günnerindä Kişinevda oldu balet-sport tanţlarında halklararası açık çempionat. 2-yunior kategoriyasında çempion oldu oyuncu çifti Nina DUDOGLU hem Väçeslav NAGAYLIK. Çempionatın latin-amerika oyunnarın finalı Çiçek (aprel) ayın 26-da oldu. Finalda oyuncular “sambo”, “çaça”, “djaz”, “pasodobol” hem “rumba” ounnarında becerikliini gösterdilär. Bu kategoriyada da komratlıyka Nina DUDOGLU hem onun oyun çifti Väçeslav NAGAYLIK birinci oldular. Not. Nina DUDOGLU anılmış gagauz politikacısının hem cümne insanın Nikolay DUDOGLU hem onun eşinin Tatyananın kızı. Dört yaşından beeri balet-sport tanţlarını oynêêr. Altı yaşından beeri da “Kodreanka” sport tanţları klubunda bulunêr.TAA DERINDÄN
mihaylova_alina

2015.03.11,Ana Sözü TARAFINDAN YAZILI, SPORT BOLUMU

10 yaşındakı Alina MİHAYLOVA şahmatada Moldova çempionkası

Küçük ayın 21-27 günnerindä Moldovada kızlar arasında şahmata çempionatı oldu. 12 yaşınadan kızların arasında, 7 oyundan altısını tarayıp, 10 yaşındakı komratlıyka Alina MİHAYLOVA çempionka oldu. Alina MİHAYLOVA şahmata dünnäsında bilinän birisi. Bakmadaan ona, ani Alina sadä 3 yıl şahmata şkolasına gider, 0 etiştirdi pay almaa diil salt Moldova, ama Evropa hem Dünnää çempionatlarında da. Onun artık 16 medalisi var – taa çoyu birinci erlär için. Foto – gagauzinfo.mdTAA DERINDÄN